Rosie

营业中

休息中

呢间Cafe一直都想试，见网上话成日都排晒长龙，今日见有时间就去打下卡。未行到去已经见到有几pair情侣等紧位，店铺嘅门上贴左一张纸，供食客自行填名，当有位嘅时候店员会叫名，咁样可以方便店员。餐厅环境感觉好舒服，灯光柔和，有种好relax嘅感觉。我地叫个两款轻食，虾多士＆秘制流心蛋治。虾多士以焗嘅方式令面包脆卜卜，比起一般餐厅用炸方式健康好多，唔会有油腻感觉，而面包上面铺上虾＆辣椒，厨法有别于其他食肆。至于流心蛋治貌样好吸引，热辣辣嘅面包夹住冻冰冰蛋沙律，面包都依然香脆，呢个蛋治份量十足，一个人食一定食唔晒。