瑞榮餐室

营业中

休息中

好耐都未去过屋邨茶餐厅食午餐，撞啱经过瑞荣冰室，喺门口见到餐厅都几光猛，装修都几好，加上餐厅都座无虚席，所以就决定去依家餐厅食午餐。等咗10分钟有位，望到餐牌发现有个饭系好耐好耐都未食过嘅，就系椒盐猪扒饭，见到椒盐猪扒觉得好吸引，所以即刻叫咗个。椒盐猪扒饭香喷喷嘅椒盐味，蒜头炸到非常脆，加上辣椒嘅嘢味，令到人非常开胃，将大大件嘅猪扒切件切得大细适中，肉质鲜嫩，加上猪扒嘅骨又唔算系好多都可以叫做啖啖肉，令我谂返儿时食嘅椒盐猪扒饭嘅味道。