新派韓食館 (已結業)

报纸、杂志都有介绍，系屋邨开既「Sister Koera Cafe」，初初知道既时候，无时间去，今日终于去左试！虽然佢开系平民屋村，不过食物既价钱唔系好平，反而邨内其他既食物真系好平，平得好紧要。我地试左「韩式原味炸鸡」、「火山脆皮豆腐」、「汉拿山芝士蛋溶岩豚肉炒饭」，味道都过得去。最好味最后个样，最贵都系最尾个样，佢兼有埋人即场系你隔离炒埋，但系就得普通石头㶽饭咁大，同埋过百蚊。上图系送既小食同埋汤。汤唔知有咩料，得个咸字。「韩式原味炸鸡」同KFC个d无咩分别，大家如果黎呢间可以唔洗嗌炸鸡，因为无咩味。「汉拿山芝士蛋溶岩豚肉炒饭」会有人系你张枱即场炒比你食，最特别都系咁者。佢碟野都系d豚肉、蛋、饭少埋一齐，真系无咩特别，唔值咁贵。「火山脆皮豆腐」用甜酸汁做酱，豆腐外脆内嫩，不过d豆腐应该用左好似山水豆腐个种豆腐，无咩豆香。小结，呢间铺名大于实，价格贵左d，食物味道无咩特别。