膳坊

营业中

休息中

今日食颓餐下午茶，基本炒粉面最易知道餐厅的实力，就叫个星洲炒米睇吓呢间街坊食堂嘅实力。下午茶 星洲炒米 $45上枱时庆幸见到唔系萤光色，正正常咖哩粉嘅黄色，外观都唔错，配料有大大旧叉烧条、虾仁size都唔细，夹起时望落米粉算系爽身嘅。摆落口，有咖哩香味，但完全唔辣，由一个唔食得辣嘅人口中讲完全唔辣，可想而知有几唔辣。问侍应攞左辣椒油加味，多左份辣椒香，但都系继续系唔辣，我放弃辣嘅追求了。配料OK，算多料，虾亦爽口，无雪味，唔错。不过个人觉得星洲炒米一定要干身先好食，但呢碟实在太油，加上米粉嘅水粉，做唔到干身嘅效果，第一、二啖食面层果d米粉尚可，但慢慢食到底，越食越油、越食越腍。下午茶包左杯餐饮，叫左热朱古力，味系OK，正常嘅，但要先过到衞生呢一关，整个杯边起晒渍，望到都已经…..明白屋邨茶餐厅嘅标准唔应该太苛求，所以自问真系觉得OK咪无问题啰。整体而言，价钱可以接受，食得饱，唔算十分难食。