膳坊

营业中

休息中

係呢間餐廳早餐嘅常客嚟過起碼20次以上經常叫嘢食會配奶茶因為飲過真係幾好飲都係會飲晒嘅程度今日遲起身打算去食個下午去到之後嗌咗烏冬同埋奶茶杯奶茶一嚟到我就飲咗一啖好水超級無敵水好似成杯都係溝咗水咁樣冇茶味冇奶味就連甜味都得嗰dd我冇叫少甜㗎飲咗幾啖仲以為自己味覺出現咗問題好Q難飲即刻同服務員講啦佢哋就話呢間嘢奶茶就係咁嘅味我就同佢講我平時飲嘅都唔係咁嘅味佢就同我扯出邊餐廳同呢間餐廳唔同大佬啊我係講緊我平時喺呢間餐廳飲過咯完全唔係一個頻道強調咗幾次我係喺呢度飲過嘅跟住有個服務員勁大聲話加d茶咪得囉濃d有個又話加d冰跟住就攞咗我杯嘢入去好快就攞返出嚟同我講已經重新整過....整完之後攞返出嚟仲水過頭先然後先同我講廚師係唔同嘅關廚師同唔同咩事啫整得難飲就係難飲㗎啦三個阿姨圍鬼住我壓力大到死好似我有問題咁我都懶得再講咩杯奶茶一d都冇飲過食完嘢就埋單走咗最後我想講可唔可以請返d正常嘅水吧師傅？早餐嗰個好飲到爆下午嗰個難飲到嘔天差地別

成個運頭塘得一間茶記，冇選擇之下入左去，叫左個咸魚雞粒炒飯，味道和咸魚份量都好足夠，但飯就太淋，一舊舊，煮米時落多左水，檸茶正常，不過價錢偏貴，有選擇的話應該未必會食！

其實，我對於茶餐廳無期望，但今次真係覺得好難食，先寫食評叫左個芝士肉醬飯，完全無味。啲肉醬感覺上係白烚撈茄汁，無月桂葉、香料等等嘅味去調，無洋蔥炒過，極淡，淡到想反胃嘅感覺。61蚊，真係唔值，我食到放棄大x樂、大x活好好多

運頭塘這邊的確有少許偏僻，如果唔係有活動，很少人會專登過嚟我想，如果住在運頭塘的人士也應該會行多幾步去熟食市場街市那邊吃東西吧。雖然呢間餐廳可能係運頭塘茶餐廳的獨市生意，不過看價錢都不算特別昂貴。結果有次行路過嚟，有點兒肚餓，於是點了個焗飯外賣。葡汁海鮮飯，葡汁都算多，可以配整個焗飯，焗飯都尚算夠熱燙，除了魚之外都有魷魚八爪魚之類，魚柳算算大塊，不過質地就比較普通。焗飯的份量不會太少，而且飯都不算太難，即使在汁內浸過之後，都不會太林或者糊掉。結果整個飯吃完，人們都未到齊。手機在手，講聲遲到有幾難，遲到已經衰，唔講聲衰上衰。因為期望準時的人，原來打的前來赴會。啞子吃黃蓮，有苦自己知

因工作關係都久唔久食下雖然位於屋邨商場仔但價錢都唔算平Lunch 5-60蚊 味道正常 有時候就唔太好食所以經過多次既摸索發現佢下午茶既芙蓉蛋飯係相對比較出色下午茶份量都大大碟芙蓉蛋都做得唔錯下午茶黎講算比較好飲埋杯凍檸檬茶+3埋單46蚊中規中矩但係呢間黎講已經算比較好食既野

今日食頹餐下午茶，基本炒粉麵最易知道餐廳的實力，就叫個星洲炒米睇吓呢間街坊食堂嘅實力。下午茶 星洲炒米 $45上枱時慶幸見到唔係螢光色，正正常咖哩粉嘅黃色，外觀都唔錯，配料有大大舊叉燒條、蝦仁size都唔細，夾起時望落米粉算係爽身嘅。擺落口，有咖哩香味，但完全唔辣，由一個唔食得辣嘅人口中講完全唔辣，可想而知有幾唔辣。問侍應攞左辣椒油加味，多左份辣椒香，但都係繼續係唔辣，我放棄辣嘅追求了。配料OK，算多料，蝦亦爽口，無雪味，唔錯。不過個人覺得星洲炒米一定要乾身先好食，但呢碟實在太油，加上米粉嘅水粉，做唔到乾身嘅效果，第一、二啖食面層果d米粉尚可，但慢慢食到底，越食越油、越食越腍。下午茶包左杯餐飲，叫左熱朱古力，味係OK，正常嘅，但要先過到衞生呢一關，整個杯邊起晒漬，望到都已經…..明白屋邨茶餐廳嘅標準唔應該太苛求，所以自問真係覺得OK咪無問題囉。整體而言，價錢可以接受，食得飽，唔算十分難食。

大埔運頭塘「著名」街坊茶記，食物質素本已不存期望，只求充肌，略優方艙水平，但難得是邨內非連鎖式茶餐廳，身價獨特，水漲船高。雖然自知是土炮食肆，仍然不忘模仿業界名牌茶餐廳澳洲牛奶獨特待客態度（絕對不是服務速度，請留意！），令客人有「笨至回歸」的感覺。今日本人在趕時間下急搵堂食速食，便求方便順路便進入此店。誰知買餐時讀針卡機試十九幾次都讀唔到，收銀員都試咗一輪才嘟到，然後態度惡劣怪罪客人，即時出現廣告名句：「不可一，不可再。」

真係唔想爆，但見到其他食評真係一肚火，真好假好，呢間野啲食物只能講你要極度飢餓先有資格食，真心香港人真係要食好啲，呢間野從開張到而家前後幫襯過4次，只怪我真心鍾意比機會人，如果唔係唔會受4次罪😡分別係食過佢嘅星州炒米，楊州炒飯，咖哩雞飯，湯，西多士，肉丁麵，凍檸茶，凍檸水，凍奶茶，可以話係冇一樣擺得落口，該凍唔凍，該熱唔熱，該甜唔甜，該咸唔咸，真係該褻，總之我屋企人或朋友再去食我都會鄙視佢，自己諗朋友們😁

吉豬沙律份量少到。。。。。。。。。。。。周末諗住食個下午茶，諗起鐘意食的吉豬沙律，宜家茶餐廳一間少過一少，已經唔系到到有得食，都有少少期待。點解繼上次話我點錯咗吉魚沙律(算了，當試新野，今次對過發票肯定無叫錯)，點知上黎是同吉魚的樣一樣，分2塊細細塊的，我第一時間以為我又叫錯，睇多眼見有骨先覺真系豬扒！豬扒唔系一塊過手掌大細？ 定宜家咩都變細，豬扒切細塊，可以分比2位客人?? 好失望，同無食過一樣肚餓，心情好差，宜家仲要再去買其他野食 (之前都有食過我覺得正常份量的吉豬沙律餐，不過唔穩定，次次量唔同？可惜今次無照相。。。)

之前一篇食評「村校小賣部」就講到我哋三幾個死佬入咗去行烏蛟騰、梅子林、荔枝窩、印洲塘海岸公園、三椏村……，兜咗個大圈，行咗5個幾鐘。之後，搭巴士出返大埔，當然，喺食番個下午茶啦。由地膽帶路，又喺嚟番上次嘅「膳坊」，雖然，喺想試其他餐廳，但跟大隊啦，反正，我又唔喺太抗拒翻兜嘅。上次就踩完單車嚟食，都只喺大概一年前嘅事，環境無變，所以，就唔多講，貼番張相當記錄，而當日嚟得晏，所以，眼下嘅客人唔多。但值得一提，上次嚟，啲餐具就咗以藤籃放晒晌枱面，無遮無掩，疫情下唔喺太好，但今次就由侍應拎嚟，真喺有改善喎，抵讚！餐牌呢，都喺嗰張，三十多款茶餐、常餐，唯一有變，就喺個價錢，對比番兩次個餐牌，全部嘢都加$1，自己有去開買餸，食材呢年都貴咗好多，加$1都OK啦。芝士鹹牛肉炒蛋包 $33上次試咗個招牌沙嗲牛肉包，喺有水準嘅，今次就改試芝士鹹牛肉炒蛋包，同樣喺用上大大隻「潛艇」熱狗包，上面放滿鹹牛肉炒蛋包，料多夠實在，炒蛋夠滑，鹹牛肉惹味，加埋混咗少少芝士，食得到一絲絲，誠意嘅製作。熱奶茶 都喺熱奶茶啱我，一口包，一口醇香嘅奶茶，下午茶嘅好享受。講番杯奶茶 ，茶底醇香馥郁之餘，口感幼滑，絕對沖出港式奶茶

每次都吃鰻魚，加窩蛋超好味，特別加埋甜薑同泡菜，好難抗拒！ 好難講佢哋嘅石頭窩飯係正宗，但有飯香，有飯焦，仲包個飲品，我覺得好抵，所以久不久，就會幫襯下！ 除左鰻魚石窩飯，佢哋D小菜算唔錯，我有時都會點豉汁蒸魚雲，也是不錯選擇。

膳坊既外賣好大盒🤤抵食之選我叫左秘製咖哩雜菜蛋飯🍛$58 有埋野飲😍好足料，蕃茄黄椒果啲都有齊哂～雜菜方便有菜心同西蘭花🥦咖哩汁有好多～～撈飯一流隻煎蛋好好味😋薯仔係煎過果種，我鍾意食呢種先煎後再煮既薯仔🥔所以呢個咖喱飯好合我心意👍🏻

今日一早起身工作，做完野就落樓下，行過去運頭塘食番個早餐。兩個早餐分別有，傳統早餐，西煎雙蛋(改炒蛋)，仿鮑片火腿通粉 $34。另一個就 三拼麵餐，點了雞中翼(二只),火腿 煎蛋，米線。$35元 比另一每餐貴一元，但就有厚多士。炒蛋好滑，加少少鹽就好好味。通粉軟硬剛好，不會太淋，鮑片爽口，加上腿絲就更美味。炸雞翼，炸得很香口，配米線很夾。還有水吧油的奶茶，不論是凍還是熱，都很香濃幼滑。還有重點，可能是屋邨餐廳，份量很足，很有飽肚感。

是日單車郊遊日，同班老死由大埔踩到入羅湖，朝早10:30am出發，迤住踩，踩到4:00pm返到嚟大埔。之前一文就介紹過「鴻淘士多‧羅太豆花」嘅豆漿、豆花放題，當喺是日輕怡午餐。既然完晒今日行程，就當然要食份下午茶餐補補體力。由地膽帶路，穿天橋過到嚟運頭塘商場，嚟到「膳坊」，初時睇個名以為喺中餐館，原來都喺茶記，哈哈！雖然疫情緩和咗好多，但餐廳就連半點防疫都無乜點搞，唔使量體溫就直入餐廳，除卡位加高背板，其他位就完全無咩阻隔，幸而地方闊落，客人又唔算多，而我哋就專登搵咗角落嘅一張圓枱仔，自成一角。嚟下午茶，目標就只有下午茶餐，底面兩版，共有33款，以下午餐而言，都算選擇多。本來，又想試菠蘿油，試試跟之前幾間茶記嘅菠蘿油作比較，不過，咁北區都賣到30蚊，感覺有啲唔划算，就試咗沙嗲牛肉包。基本餐具放晒晌枱面，方便就方便，但家下嘅環境，就唔喺咁衛生，遇着撞啱有隱形帶菌者嚟幫襯，唔爆都幾難，真喺貫徹佢哋對疫情嘅迤爆態度。招牌沙嗲牛肉包 $32有次晌大圍嘅「新城快餐廳 」都食過茶記式嘅沙嗲牛肉包，之前都講過吓，除奶茶之外，沙嗲牛肉亦喺茶記嘅另一名物。而「膳坊」嘅沙嗲牛肉包採用熱狗包，更加大份，睇外

平時放假都睡至中午難得早了起床，就來吃個早餐！膳坊的晚餐就吃過兩三次，早餐則屬首次！早餐餐牌的選擇配搭都算多，價錢約30元左右，都算合理麵包類早餐會便宜些，要點肉食的，價錢稍高一些！我選擇了三拼麵餐，要了五香肉丁公仔麵另外雙拼就是火腿炒蛋，配牛油厚多士由於是日特別旺場，全場滿座，店員明顯招架不住分枱坐沒寫清楚分枱枱號，餐點會送錯到隔壁然後兩份餐上桌的時間都相隔得耐，妹妹吃完整份歐陸早餐，我碗麵才來到不過都理解的，人手明顯不太足夠來應付全場滿！火腿炒蛋，炒蛋都算合格，不會炒得太老牛油厚多士，多士烘得乾了一點點～五香肉丁公仔麵，肉丁份量都算足夠，肉丁夠大粒有咬口五香肉丁麵除了麵質外，肉丁份量就是關鍵！吝嗇的落得少肉丁，麵的味道不夠香辣，肉丁散碎亦會令人不滿足！這碗公仔麵還另外加入了一些菜絲，不過較生，未必人人喜歡這樣浸湯吃！公仔麵麵質爽口，湯底充滿五香肉丁辣汁味，味道不會過淡或過鹹，算是不錯啊！總結早餐與晚餐的經驗，膳坊的食物都屬中規中矩不會像前身那家茶餐廳那麼難吃！