影片
更多
2017-02-04
390 浏览
新年期间除咗可以喺酒楼到饮茶，其实可以简简便便拜过年，揾间餐厅食个早餐，都系一个唔错嘅选择。去到华富邨又唔想去茶餐厅，又唔想去大家乐呢啲咁嘅连锁餐厅，就揾咗呢一间意乐。唔讲唔知原来呢一间餐厅系连锁，有几间分店，薄扶林就系其中一间。佢嘅装修就比较西化，座位有卡位，都有方形大枱。早餐同一般嘅茶餐厅来讲冇什么大分别，选择都系一啲炒蛋配通粉又或者炸鱼柳咁样，但系见到佢嘅份量都好似比较大，扮到几靓仔。今日拣咗炸鱼柳并火腿，仲有陪埋蒜蓉厚多士，多士嘅味道都几好，有蒜蓉嘅味道，但系略嫌块多士就比较干身咗啲，炸鱼柳系热辣辣，入边嘅肉都尚算嫩滑。几乎所有嘅早餐都会并有一个茄汁焗豆，都几有营养。另一个就系炒蛋，意式火腿，火腿配牛角包。牛角包都系即焗，份量都几大，同埋已经帮你切开咗个口，但系入边就唔多觉有牛油，我就建议夹埋个蛋同火腿入去食，咁就会比较湿口d ，好味d。另外加＄6可以要个麦片或者火腿通粉，见想食番啲湿嘅嘢，就叫左一个火腿通粉，但火腿通粉就完全唔好食，冇味道，𠮶啲粉好淋好霉，又细碗，完全唔值得加。食物整体来讲都不错，比起连锁嘅快餐店好食，价钱都合理。
唔讲唔知原来呢一间餐厅系连锁，有几间分店，薄扶林就系其中一间。佢嘅装修就比较西化，座位有卡位，都有方形大枱。
早餐同一般嘅茶餐厅来讲冇什么大分别，选择都系一啲炒蛋配通粉又或者炸鱼柳咁样，但系见到佢嘅份量都好似比较大，扮到几靓仔。
今日拣咗炸鱼柳并火腿，仲有陪埋蒜蓉厚多士，多士嘅味道都几好，有蒜蓉嘅味道，但系略嫌块多士就比较干身咗啲，炸鱼柳系热辣辣，入边嘅肉都尚算嫩滑。几乎所有嘅早餐都会并有一个茄汁焗豆，都几有营养。
另一个就系炒蛋，意式火腿，火腿配牛角包。牛角包都系即焗，份量都几大，同埋已经帮你切开咗个口，但系入边就唔多觉有牛油，我就建议夹埋个蛋同火腿入去食，咁就会比较湿口d ，好味d。
另外加＄6可以要个麦片或者火腿通粉，见想食番啲湿嘅嘢，就叫左一个火腿通粉，但火腿通粉就完全唔好食，冇味道，𠮶啲粉好淋好霉，又细碗，完全唔值得加。食物整体来讲都不错，比起连锁嘅快餐店好食，价钱都合理。
张贴
