意樂餐廳 (華富(一)商場)

营业中

休息中

華富村意樂餐廳，主打意大利粉， pizza，或如圖中的牛扒，美味可口，薯條配搭芝士醬，十分美味，價錢公道，配搭其他意粉類或食品，pizza，三人同行，埋單價，經濟實惠，享受一頓美味的晚餐。

第一次到這間西式餐廳，坐落一望餐牌，價錢相宜。我親戚叫一客飛魚籽三文魚蛋炒飯加一杯熱飲都不過70元，份量不少，我親戚也吃剩点飯呢，超抵食！而我叫一客湯拉麵(有七味豬扒加隻温泉蛋)還加一杯熱飯，也是70元有找，抵。我留意到隔離張枱：三位男士也叫了(美國安格斯牛定食)，那塊牛扒長長足夠男士胃口噢！看看餐牌也不過80元，超抵。這餐廳在openrice 有頗多分店，希望它越開越多間。正呀！

午餐去咗買個意粉返屋企一食，我以為自己食緊上海野嫩雞煨麵，啲麵淋到好似俾阿婆食咁樣，味道方面得一啲鹽味，好似油鹽水咁樣煮嗰個天使麵，煙肉又唔見有幾條，蒜就連影都冇，早知係咁就唔買，我係屋企整個出前一丁都好食過佢以前都唔係咁，而家啲質素差咗好多我打電話同佢反映啲麵淋到好似阿婆食咁樣，跟住佢話會同廚房講返，同埋問我會唔會拎落去換，我行咗15分鐘先返到屋企，天氣又熱，已經唔想拎落去換，亦都對佢再次嘅出品冇信心，費事嘥呢個心機同時間難食到我要打食評知唔知道我平時係公司食廚師煮個啲嘢都覺得可以入口，唔算大問題，你尼個麵真係餵埋我都唔想食宇宙世界核爆級咁難食！好自為之啦！

叫咗個香辣欖油煙鴨胸炒扁意粉，無寫蕃茄又無啦啦變茄汁，好聲好氣問點解會俾咗茄汁意粉，個員工仲話咩開鋪以嚟都係咁完全冇問題，但係明明香辣欖油根本都冇寫到有茄汁，然後個員工就話如果要投訴投訴高層，唔關佢哋事。咁算啦叫咗都唔可以浪費食物咁結果我哋都食埋佢，但係點知我唔食辣都完全唔覺得辣，仲要成碟意粉一啲欖油嘅味都冇，又唔辣又冇欖油，根本就係普通一碟蕃茄鴨胸意粉。呢一間根本就係一間垃圾餐廳，建議執咗佢。大家千祈唔好再去食。

外賣：沙律配菜口感清新，咖哩有辣味够刺激，但不走極端，米飯是珍珠米，十分好吃，加上冰凉凍檸茶，全個餐很滿足滿意滿分！😋😋同日在現場吃日式牛肉窩蛋飯，將蛋混合珍珠米，連洋蔥牛肉一併咀嚼，感覺十分美味，這款值得介紹！✌👌

本身想去飲茶但點知落場 唯有睇下附近有咩食近近地黎左意樂歎番個下午茶想食包類但都無哂 包括三文治/西多/多士/豬扒包/雞扒包真係sosad 無左好多選擇…唯有叫左個意式鮮茄肉醬焗扁意粉同香草鮮野菌忌廉天使麵我地發現啲配料好似一樣 都係青扁豆、菇、芫茜好似有啲唔夾個肉醬意粉😐兩個意粉味道中規中矩餐飲我叫左熱檸茶 幾岩我口味 啖啖地幾香 唔係港式茶餐廳好喼個隻埋單既時候我地想用某d coupon但唔知得唔得兩個侍應都好有禮貌幫我地check 雖然最後唔用得但都無嫌我地麻煩XD環境方面 都闊落坐卡位幾舒服既

18點34分落單,19點18分都仲未有外賣拎.外賣尾數71號都已經拎走咗,  我張尾數58無人理追問咗幾次,先話執緊拎咗個外賣返到去,19點25分, 個焗咖哩雞,凍Q曬,食雪藏嘢咁嘅感覺臨尾仲補句:[ 係呀,驚d雞翼唔熟,整耐d ]炸50分鐘雞翼我都係第一次見,炸完沒變成碳

午餐試一下無妨 人群都算ok餐既選擇都幾多款，價格都相對合理。一坐低就即刻點餐啦！意樂——炸豬扒沒有令我失望，炸得非常香口，而且份量不少，咖喱也非常香濃，同豬扒味道相當配合！對於不嗜辣的人會有一點辣，辣到我出汗😂豬扒厚度十足，有肉汁又有咬口。再加熱柚子茶雖然幾好飲，但配咖哩豬扒飯就真的不適合，下次應該要飲凍野😂午餐12點前到的話不用等位，環境挺舒服，座位闊落所以係附近翻工都不失為一個ok既飯堂。

下午茶唔貴既，係有限既選項入面，都叫做可以一試既望落紅卜卜，係個種越食越辣既味道份量都幾多，細食少少既人應該食唔曬環境尚可，計返人口密度黎講，可以話闊絡既始於都係寸金尺土唔係食飯時間黎，都算人滿啦食定唔食自己決定

華富本身已經沒有什麼東西餐廳，很久才惠顧一次，簡直不知所謂，先是坐下來點餐服務員態度極差，竟然在其他枱隔咁遠幫我落單！還要我大聲叫號碼她才懂得下單，仲要落錯單！於是我見到叫另一個店員幫我改，他極不願意仲問：唔係我落錯？態度極差改完仲要掉張單在枱上！叫了一個什扒，肉醬芝士焗薯條，都夠熱，賣相一般，焗薯條份量太少，然後還叫了一個豬鞍鐵板餐，足足等了25分鐘，雜扒和焗薯條都已經食完很久才到豬鞍鐵板餐！夠熱但太乾！總之不會再幫襯！

每次去食早餐，要等20分鐘以上先有野食。今次，叫左兩份雞扒走汁早餐（15001），等左30分鐘，仲未黎。趕時間番工，其中一份轉外賣。結果兩份都同我轉外賣，侍應們又拎曬兩份轉堂食，結果又要再將一份變外賣。拎到番公司，發現無左兩舊蒜蓉多士。仲要雞扒硬到喊，蛋又爛左。廚房同樓面都掛住傾計，要客等咁耐，到最後仲要貨不對辦！好差既一次經驗！真心唔明點解要等咁耐，質素又唔好！要去食既話，要預左等30分鐘以上，仲要未必黎岩野！

去意樂餐廳食早餐，叫左個嫩煎香草雞扒配炒蛋、火腿多士、仲有一杯粟米，另外叫左沙嗲牛肉麵同至營桂格燕麥片，餐牌嘅選擇都算幾多，仲有營養健康餐，岩哂老人家，覺得餐廳嘅價錢適中，早餐一份二十幾蚊倒，雞扒有啲細件，食完都唔係好夠，炒蛋幾香滑，燕麥片好香奶味，一碗份量都夠食，沙嗲牛肉麵就同岀面茶餐廳差唔多。店員嘅服務都唔錯，會主動提供水，紙巾等等，又唔會好趕急咁一食完就趕你走，呢餐叫左咁多野兩個人食都係一百蚊倒。

星期六通常都會同家人出街食晚飯，唔洗又煮又洗！今次就去左平民西餐廳 - 意樂，試下食扒！晚飯時間坐無虛席，6人以上大枱不是很多，好彩剛好有大枱食完，我地等約5分鐘就可以入內！餐牌上很多選擇，不過我地今次主要想食扒！美國豬鞍斧頭扒 （$108）賣相很靚！我地要左牛肝菌汁，附送餐湯- 菌皇忌廉湯，湯就比較淡，不是太好！豬鞍有點鞋身，味道尚算ok!白汁芝士焗巨型雞扒拼司華力腸 （$74）有2大塊雞扒，加上飯薯條，足的夠哂足料！我食牛肝菌汁，味道很白濃，雞扒鮮嫩，很不錯！慢煮咖哩雞珍珠飯 （$44）每次黎都有家人必點，抵食又好味！不過我試過就略為太辣，鐘意食辣的一定要試試！ 白汁雞扒配珍珠飯 （$48）味道香濃，很不錯！總括來說，平民西餐廳，以茶餐廳水準來說，性價比都很高！

📍平民小餐廳-安格斯牛扒 $108塊扒好厚 牛味重👍🏻😍叫左五成熟 切開血水唔算多🍽表面煎到微脆 肉質嫩滑 唔錯唔錯😋但略嫌都幾多肥膏🤔但$108 配埋湯同薯條 收貨！😼-📍。意樂餐廳。薄扶林華富邨華富(一)商場2D號舖

環境不錯的西式茶餐廳，燈光暗暗的。雜扒餐好大的一份，鐵板上，黎到好熱的，鐵板上有雞扒、豬扒、煙肉、司華力腸、芝士番茄、太陽蛋、薯條同雜菜，可選牛肝菌汁或黑椒汁，上到黎侍應會問洗唔洗幫我淋埋汁。黑松露煙肉扁意粉很好味的意粉，是忌廉汁，意粉軟硬度岩岩好。水牛城雞翼有四隻，炸得很脆，但入面仲有血紅色，有啲唔熟，水牛汁係辣嘅茄汁味，幾好味的。安格斯牛扒呢個用木板上的，木板上亦有好多野食，有牛扒、薯條、芝士薯蓉、芝士番茄同三色椒，仲放有三細碟嘅醬汁。