沙嗲王 (新都城中心二期)

营业中

休息中

今晚随便去咗沙嗲王食晚饭，去到见到有个二人餐，都几抵， $268，有两个前菜、一个小食、两个主菜、两杯嘢饮同两杯雪糕，而且啲选择都唔系hea，小食嘅有蒜蓉牛油鸡翼或者炸鸡𠮶啲拣，加多少少钱仲可以要XO酱萝卜糕或者炸软壳蟹，而主菜嘅选择仲有沙嗲王嘅必食三巨头，分别系白咖喱猪扒饭、蟹粉豆腐锅饭同埋沙嗲牛肩胛粉丝，其实好吸引，不过因为惊太多，最终都系叫返单点，每一次去都会想试新嘢，但最后每一次去都系拣返白咖喱猪扒，今次都唔例外，不过见到个滑嘟嘟炒蛋黄咖喱厚切吉列猪扒饭，个样都好吸引，挣扎咗好耐，最后见到原来可以加钱转白咖喱汁，why not both，所以最后叫咗滑嘟嘟炒蛋白咖喱厚切吉列猪扒饭，另外加多个沙嗲牛肩胛粉丝，个牛肩胛粉丝仲升级咗双份牛肩胛，当然白咖喱同个沙嗲一如既往冇得输，想讲嘅系个厚切吉列猪扒真系坚厚切，比起原本嘅香茅猪扒更厚，但食落去比起更加薄嘅香茅猪扒更加腍，但系腍得嚟啲肉唔会散，又唔似系松肉粉，个吉列炸浆又做得厚薄适中，吉列系需要比较厚先至会够松化，但过厚又会变得硬脆，但佢个炸浆做得啱啱好，而且淋咗白咖喱汁隔咗一阵都唔会令到个吉列变腍，虽然肉味唔够香，但系成个吉列猪扒可以