Girlboss by Master Kama (已結業)

有闻屯门市中心开咗一间好LADY嘅餐厅，连餐具同埋托盘都系金色咁过瘾，今日经开就嚟试吓。嗌完嘢食之后店员就会放低呢一个high tea嘅托盘，每碟嘢食嚟到就可以放喺托盘上面，好似食紧high tea咁，好grand啊。三文鱼柚子柠檬玻璃杯沙律，呢度嘅沙律卖相十分精美，上台嘅时候用个玻璃杯装住，啱哂我呢一啲妹猪攞嚟呃like，新鲜嘅baby spinach 配以酸酸哋嘅柠檬柚子汁本身已经无敌，再加上有我喜爱嘅紫洋葱碎同埋capers，食落更加对美。蟹肉牛油果苹果青瓜沙律，蟹肉碎虽然被沙律酱紧紧包围，但系都仍然食得出当中𠮶一份鲜味，牛油果嘅份量唔算多，绝对唔会喧宾夺主，原来牛油果，青瓜同青苹果个味道系非常之夹架。德国肠冻肉芝士拼盘，呢个拼盘有三款德国肠同埋两款芝士，叧外仲有一份cold cut添，作为延续沙律嘅开胃小食就最好不过，德国肠点一点随附嘅红莓酱，味道更加平衡。Shake Shake单骨鸡翼(配十选一Shake粉)， Shake粉有成十个味道可以拣，我拣咗章鱼烧味， 厨师细心将鸡翼切成单骨，特别方便进食，放啲Shake Shake粉入袋度再Shake 一 Shake佢， 极具玩味。