影片
更多
2021-01-26
251 浏览
屯市开新黄店咁大件事冇乜人讲？冇人讲咪我讲啰！我唔委屈㗎！.上两个月见到荣少喇沙未营业就已经出左张靓到爆魔法卡，仲要我最钟意既蓝鲸，𠮶阵我就已经mark实左一定要试呢间新黄店，一举两得啊嘛！而今日就特登约咗朋友出黎食。首先讲吓佢位置先，佢个位置都几隔涉架，要落到最底之后出商场再转个弯先揾到，未行到埋去未见到招牌就见到一堆人等紧，我就知我冇揾错。去到攞筹就要等几个号码，但唔紧要，呢啲小问题无阻我食黄店既决心，好好彩又唔算等好耐。.今次嗌左个脆炸鸡扒喇沙米线，再同朋友夹咗个小食拼盘。首先，一定要赞就系个喇沙汤，好香好入味，又唔会好辣；而𠮶几旧豆卜都好腍好吸汤，呢个位真系好出色。而佢既脆炸鸡扒都冇呃人，真系好脆，但个人就略嫌鸡肉干身，冇肉汁；米线都偏硬，好似未煮腍咁，同埋唔系好入味，食落既感觉系用水烚过下就出餐咁，今次出餐既时间好快，但我唔介意等耐少少换取一个腍啲入味啲既米线。希望下次去可以改善下，咁就完美。而朋友嗌左猪软骨，佢话好腍好入味，望落都真系好吸引！然后因为唔想饮汽水，所以就嗌咗柠檬薏米水，薏米好腍，柠檬有味，又唔会太甜，仲要冇冰啊，系常温出既野饮，真系好吸引！而我最欣赏𠮶个位系喺
.
上两个月见到荣少喇沙未营业就已经出左张靓到爆魔法卡，仲要我最钟意既蓝鲸，𠮶阵我就已经mark实左一定要试呢间新黄店，一举两得啊嘛！而今日就特登约咗朋友出黎食。首先讲吓佢位置先，佢个位置都几隔涉架，要落到最底之后出商场再转个弯先揾到，未行到埋去未见到招牌就见到一堆人等紧，我就知我冇揾错。去到攞筹就要等几个号码，但唔紧要，呢啲小问题无阻我食黄店既决心，好好彩又唔算等好耐。
.
今次嗌左个脆炸鸡扒喇沙米线，再同朋友夹咗个小食拼盘。首先，一定要赞就系个喇沙汤，好香好入味，又唔会好辣；而𠮶几旧豆卜都好腍好吸汤，呢个位真系好出色。而佢既脆炸鸡扒都冇呃人，真系好脆，但个人就略嫌鸡肉干身，冇肉汁；米线都偏硬，好似未煮腍咁，同埋唔系好入味，食落既感觉系用水烚过下就出餐咁，今次出餐既时间好快，但我唔介意等耐少少换取一个腍啲入味啲既米线。希望下次去可以改善下，咁就完美。
脆炸鸡扒喇沙汤米线
$50
34 浏览
1 赞好
0 留言
而朋友嗌左猪软骨，佢话好腍好入味，望落都真系好吸引！
然后因为唔想饮汽水，所以就嗌咗柠檬薏米水，薏米好腍，柠檬有味，又唔会太甜，仲要冇冰啊，系常温出既野饮，真系好吸引！而我最欣赏𠮶个位系喺呢个严峻嘅疫情底下，佢地系会为左卫生而用胶杯上，呢个位好加分！
而同朋友夹既小食拼盘都好好味，我最欣赏系个鸡翼，脆得黎锁住肉汁，食落好滑好juicy，而虾卷同虾丸都系好食既，炸得脆又唔会好干。
我地3个人total嗌左3碗喇沙，3杯薏米水，再加个小食拼盘，总共$209。唔好睇佢个份量好似好少咁，我地最后系要攞个外卖盒打包走架！
.
而我见前面其他食评写话冷气唔够冻呢个问题应该改善左啦，我系大概1点去到，坐bar枱，一啲都唔觉得热。另外都要赞下待应既服务态度好好，好有礼貌，感觉到佢地好乐意帮我，出餐既速度都好快。
.
呢个价钱呢个质素其实好值得一试，我之后再有机会经过都会再黎架，期待下次有更优质既料理。
张贴
