德國餐廳 (已搬遷) 新店位置

难得今日放假嚟咗屯门揾朋友, 食饱饭, 话早唔早话迟唔迟, 揾个地方饮返杯。🍻呢间德国餐厅店面细细, 入面只得几张枱, 最啱人少少模下酒杯底。嚟得呢度当然系饮德国啤酒啦, 拎起drink menu 以为有好多选择.... 点知好多款都贴住售罄(相信系长期都冇供应), 实在有啲失望最后叫咗杯Weisser Hirsch, 麦味香浓得嚟带有温和果香味, 好易入口。饮酒又点少得佐酒小食呢。呢款墨西哥薄饼我都系第一次食, 两块超薄墨西哥薄饼, 表面烘至干身微㶶, 中间夹住一层浓厚嘅半溶芝士。芝士仲混合咗葱花, 风味倍增。 薄饼皮食落唔系香脆果type, 而系边位微脆之余整体烟韧, 口感一流。