淺嚐

营业中

休息中

第一次去座无虚席门外要等，今日再去试下运气，终于有位啦，一入到去好宁静嘅环境，装修好简单，座位唔多嘅全店约十个位。我地选择坐bar 枱，因为想近d睇咖啡师冲咖啡。坐低后咖啡师介绍不同嘅豆同冲嘅方法，我地选择咗，日晒同洗水各一杯热饮，手冲方式，估唔到同一款咖啡豆用不同制法有唔同嘅味道，真系好特别，日晒味道较酸入口有莓味，饮完之后有坚果味，味道会覆习dd, 而洗水有d似饮茶有回甘味道，两杯都好滑好容易入口好舒服。一杯咖啡好唔好饮，除了本身豆之后，咖啡师功力真系唔少得，见佢不停冲，每杯都好认真，如果一杯咁高水准嘅咖啡75蚊绝对物超所值。