翠湖(嘉爵)園林酒家

营业中

休息中

今日真系由朝到晚都食佢。屯门区食店来讲已经算非常之好食😋佢翻新咗之后做得更加好。朝早嗌咗几个点心，个人觉得最好食嘅点心系烧卖，啲肉咬落去真系有汁吱出嚟。另外，腐皮卷真系又薄又松脆又好味，啲虾又好食😋跟住又食萝卜糕同埋凤爪，都唔错。个人都比较钟意𠮶个麻辣猪手冷盘点心🧆猪手好弹牙同埋入味。至于𠮶个椰皇灌汤饺，个人认为真系太甜啦，其实佢有两种灌汤饺，建议如果大家叫要叫返正常嘅灌汤饺。最后𠮶个蟹子炸两肠粉，香软松脆，个样都几靓，如果钟意食炸嘢嘅，可以试一试嘅。夜晚叫咗佢个烧鹅同埋鸡煲翅，烧鹅真系非常之好食😋好食过好多自称系烧鹅大王嘅店，啲肉系弹牙鲜甜同埋有鹅味，同埋佢上菜只鹅都系热㗎，建议大家必食。至于鸡煲翅系材料丰富嘅，不过略嫌个汤唔够浓郁，系有进步空间，如果你以前未食过鸡煲翅你会觉得好食。另外都有叫咗个龙虾伊面同埋炒生菜🥬，呢两样嘢都普普通通啦，都唔错㗎啦。