嘆甜品

营业中

休息中

身为大西北嘅一份子，间唔中都会去屯门揾食，甜品嚟讲我就最钟意去呢一间，就算唔系堂食，以前有车河都会落嚟红桥呢边买外卖甜品食，今次就约埋几个朋友食完饭之后嚟食甜品怀缅一下。🟡岩盐拖肥Oreo 鲜忌廉窝夫身为Oreo控唔食唔得，窝夫上面洒上拖肥、果仁同埋Oreo，几个好味元素配搭埋一齐，而窝夫啱啱整起热辣辣，感觉松软，而雪糕都配返Oreo雪糕，好食。🟠焦糖脆脆花生酱甜奶鲜忌廉窝夫朋友叫咗呢个，见到劲多焦糖脆脆喺上边，劲邪恶，但好吸引。喺窝夫入边仲加咗麻糬，一咬落去𠮶种烟靭感觉，再加上松软嘅窝夫，多重口感出咗嚟😆😆🟣铁观音茶酱麻糬窝夫一嚟到我就即刻讲咗句咁少女嘅，有蝴蝶拌碟，仲有啲彩色珠珠好靓咁，麻糬成块铺咗喺个甜品嘅中间，仲有啲粉红色喺上边，有啲似公主嘅白纱裙🤣🤣铁观音茶酱都几浓。🟢熟食⭐炸烧卖⭐波波拼盘 ⭐盐酥鸡粒⭐港式怀旧咖哩三宝⭐炸鸡软骨⭐脆Q地瓜球叫左好多款熟食，特别推荐港式怀旧咖喱三宝，个酱沟埋猪皮同烧卖，真系好开胃，波波拼盘我哋叫咗麻辣味，不过辣味唔系好浓，啱晒同啲唔系好食得辣嘅朋友share🫶🏻；脆Q地瓜球入边塞满满满嘅番薯蓉，而且因为啱啱整起晒，好香。🔴饮品我叫咗杯蓝天白云