品僖小廚 (已結業)

品僖小厨 (屯门)屯门德政围15-19号柏苑A座地下8号舖今日同妈咪出街食好嘢👏🏻真系要为呢一间屯门烤鱼打call，非常多街坊帮衬，眼见三五知己围埋一台，吹水食烤鱼，小炒，鸡煲，你望到都觉得人生一大乐事，咁就睇吓佢有几好食😋万州烤鱼$288一系唔食，一系就食最贵嘅招牌菜，呢个价位绝对唔会令你失望，普通去街市买条鲩鱼都要百几蚊，依家288整好俾你食，佢仲要系乌江鱼，普通街市冇咁容易买到。首先煎到佢皮脆肉嫩，成条鱼得一条大骨零骨丝，贴近骨嘅肉特别滑嫩，啲鱼皮都系脆口嘅，配料十足，有薯片，大豆芽，云耳，豆卜，莲藕，最紧要佢嘅粉皮超级滑滑好食😋食到停唔到口，值得推介。讲到服务，老板同店员极具人情味，招呼客人非常周到，行过嚟帮你剪埋条鱼，担心你食得论尽，啲汁会弹到啲衫，主动比一包新嘅纸巾你用，好食又好倾去边度揾？冻茶跟餐$10柠茶唔涩口有茶香，解辣一流。