泓 (已結業)

屯门 - 泓经过门口已经畀佢个外墙吸引住，灰色一整片砖墙，简约嘅设计，但系感觉上好高级，店内嘅装修只有少量嘅座位，围绕着铁板烧炉，可以望住师傅即场烹饪，除咗喺味觉仲系视觉上嘅一大享受午市鲜三文鱼牛柳套餐（一人前） 每位 $168- 季节沙律有生菜、粟米、蕃茄，沙律菜好新鲜够爽脆- 鲜三文鱼- 龙脷柳鲜三文鱼和龙脷柳一齐上碟，煎得外焦内滑嫩，三文鱼充满油脂，鱼皮脆卜卜- 美国安格斯牛柳拣咗五成熟，内里呈现粉红色，肉质嫩有咬口，而且牛味浓，可连同旁边嘅炸蒜一齐食，更香- 黄金炒饭用咗洋葱、萝卜、葱花、翠玉瓜和蛋，选用珍珠米，每粒饭粒粒分明，味道香甜- 炒什菜食咗充满油脂嘅嘢，食个炒杂菜，减轻油腻感- 面豉汤最后有一个汤作为结尾，呢个天气饮好暖胃，仲有时令水果，总括嚟讲，呢间系一间性价比极高嘅餐厅，除咗可以享用席前铁板烧，亦都可以根据个人条件，选择唔同嘅套餐