月滷

营业中

休息中

去咗fd屋企附近交收，顺手食埋饭，今次向屋邨商场揾咗间台湾嘢食，叫咗个台式火锅Set。手切安格斯牛肉 x 九宫鸳鸯火锅 ($268) 呢个套餐都几多嘢，九宫格就已经有🥩肉类、🦐海鲜、丸类同🥬蔬菜。除此之外仲有水饺、面同台湾烤香肠，另外仲包两杯台式饮品tim❗️认真抵食。汤底拣咗养生药膳锅同招牌臭臭锅。药膳锅入面有红枣、当归等但唔会好劲药材味。 臭臭锅就越煮越过瘾，最后用嚟煮菜同王子面几正😋原本对肉类冇太大期望，但食落比想像中正。 手切安格斯牛肉味浓，肥牛都ok，五花肉油脂和瘦肉分布均匀，几爽口❗️海鲜方面，🦐虾算几大只，食落啖啖肉又爽口。🦪蚝质素都唔错，煮完都唔会好细只。😋🥟水饺就有白菜猪肉同韮菜饺，味道ok，同埋真系好多馅。🍥丸类就有墨鱼丸、芝心丸、芝士肠各二，蔬菜都几多种类 (生菜、娃娃菜、🍅蕃茄、🌽粟米、冬菇）。最后仲有个王子面tim!台湾烤香肠蒜片唔会好辣，配香肠食几香，同埋重点系食完唔觉口臭。🥤桂花乌龙芝士奶盖茶底桂花味几香，奶盖唔会太漏，甜度都适中。🧋木瓜牛奶珍珠沙冰 木瓜奶味几浓，mix咗啲沙冰，半奶半沙冰感觉几有趣。