榮少喇沙 (已結業)

呢间铺平时系公司外卖就食得多，今日终于试下堂食系点。餐厅环境整洁，壁报设计有心思，仲有好多mirror嘅poster同周边， 镜粉一定好开心🤣叫左两个面同一个小食,食物都黎得快，职员见你冇筷子会主动拎比你，够细心。软滑龙利鱼喇沙 $55大大块炸龙利鱼，冇雪藏味，调味适中，咸度足够。鲜黄色嘅喇沙汤底，浓稠适中， 椰香和咖喱味平衡，唔错。配料有鸡蛋同豆卜。豆卜吸满汤汁，面条都挂汤。 份量都大份，食到好饱。烧鸡喇沙 $58朋友叫左个烧鸡喇沙（瀬粉沟米粉）另一台客人见到，即刻问我地叫左咩🤣 烧鸡大大碟， 肉质唔错，唔鞋。咖央油炸鬼 $18第一次食呢个配搭，好新奇。 油炸鬼唔会淋晒，keep住脆身， 配上甜甜嘅咖央，又几好食。 作为开胃小食都唔错，叫得过。