越南餐廳·河·飯

营业中

休息中

星期日放假出咗屯门新墟走走，然后食番个下午茶。今日又去试了新店，今次试咗呢间正宗越南美食。点解咁讲？因为目测呢间小店的店员全部是越南人。新店开业约只有2个多月，餐厅简约小店特色，整体衞生企理。正想著食乜嘢嘅时候，店员主动推介《越式鲜虾米子卷》（$45），就一于试下。首先卖相系唔错嘅，米子卷有大大只鲜虾，生菜包著扎肉，米粉条，及香脆蒜片，的确系好味道。加上佢哋个醋汁，更加香浓惹味。呢个汁一定要试，跟其他港式越南餐厅真的有很大分别，十分好味所以忍唔住用了很多。再加多一份小食《香茅猪扒》（$36），切好碎上方便进食。猪扒腌制入味，浓浓香茅味道，上枱热辣辣，入口软香而且肉汁丰富，非常好味。《越式椰汁咖啡》（$32），咖啡香浓，面舖上椰汁沙冰，好睇又好饮！最后临走忍唔住还买了个《越式烤肉法包》（$40），今晚返屋企当晚餐。法包都冇令人失望，入面超多料，虽然冻咗都一样好好味！餐厅有多款招牌汤河、檬粉，今次第一次食相当满意，下次要再来试佢嘅汤粉。食物出品好味嘅小店值得支持，推荐大家嚟一试，一定会令你有惊喜。