犇道 Chef Ben- Cafe & Steak Bar (弦海) (已結業)

平时去开屯门跑步 ，系屯门河都见到呢间餐厅，但就未试过去食 。今晚朋友约黎呢间食，终于可以试下。餐厅环境唔错，坐位都阔，坐得都几舒服。对面望住河景，夜晚都几有气氛。餐汤餐汤系粟米忌廉汤，好creamy，唔系罐头汤味道，好香浓粟米味。15 是⽇厨师发办⽜扒 7oz 伴薯菜我呢个简左4成熟，表面煎到少少香脆，保持住肉汁，4成熟都唔会好un，肉质软腍，牛味足够，配埋个汁好夹。份量有7oz，仲可以同朋友share，蔬菜方面好香蒜味，菜类十分新鲜，保持爽脆。薯条都好出色，炸得金黄酥脆，好食到一口接一口 。烤西班⽛猪胺扒10oz 配芥末籽烧汁 伴薯菜猪胺既份量都好多，熟度煮得很好，食落肉质松软 ，好香油脂味，另外都保持到肉汁。估唔到猪都可以好好食。油封鸭脾牛肝菌意大利饭卖相吸引，份量一样系唔细。上面既配料令到成个食落口 好香脆野味。鸭腿煮得适中，肉质鲜嫩，意大利饭偏向软身，调味好好，可以推荐意大利饭。巨型柠檬茶份量真系几大杯， 可以2个人饮，柠茶我叫左少甜，甜度适中，有保留到茶味 ，柠檬味都足够。整体食物环境服务各样都唔错，可以推荐，价钱都唔会太贵。