壹號餐廳

营业中

休息中

爸爸生日，同佢出去食晚饭庆祝，爸爸钟意食大排档风味小炒，就一于一家人同佢去去屯门青善街4号康景花园地下12-24号舖的《壹号餐厅》。椒盐鲍鱼，鲍鱼连壳上碟，好生鲜，大厨在鲍鱼面上介开一小格格，令佢更入味，用葱油爆香再干煎过的鲍鱼好香，再系上面洒上干蒜粒和辣椒，呢个鲍鱼冇得顶呀！ 豉椒炒蚬，蚬肉吐沙吐得好干净，蚬肉非常鲜甜，用豉椒炒蚬好惹味，青椒🫑好清爽姜葱桶蚝煲，桶蚝原煲上，非常够镬气，上菜仲听到滋滋，有烟出的。煲料有大大只蚝，鸡髀菇，姜葱，大厨将D料干爆到好靓，好有色泽。蚝🦪非常生鲜，酱汁痴著啲蚝和鸡脾菇非常惹味。豉汁蒸白鳝，白鳝新鲜够爽口，豆豉味好重，蒸出嚟好香，用嚟捞饭食一流。