住家飯

营业中

休息中

好耐冇去屯门置乐𠮶头，𠮶日剪头发嘅发型师话呢间住家饭系好多人排队嘅餐厅，当堂有一啲抌心口，因为我𠮶日去到真系有好多人排队，但系但系我竟然冇食到𠮶只最出名嘅鸡煲啊！我只系食咗小菜咋，下次真系要揾个机会去食下好出名嘅鸡煲先得喇！𠮶日因为真系太多人排队啦，所以都排得来已经时间比较眼，隔离有间好可爱嘅猫猫店忍唔住一入去玩咗一阵，所以就拣咗啲小菜快快脆脆食，蜜椒牛柳粒呢碟𩠌唔系度度都整得好食㗎，要将薯仔炸完之后再炒，先可以令到佢唔好咁容易变得烂晒，牛柳粒甜得来有咬口又唔会太老，如果唔系就咬唔郁啦！另外拣咗清汤杂菜锅，原来真系少少海鲜都冇🤣，不过清淡得嚟又估唔到真系冇味精个㖞，所以如果屯门牛牛要食一餐住家饭嘅话呢间餐厅又真系冇改错名都系一个几好嘅选择。