Hakata Concepts

👦🏻同爸爸去完屯门拎货，就带左爸爸去试下Hakata Concepts既日式set，呢间餐厅外面布置精美，铁板烧set包括左茶碗蒸、帆立贝四元豚、樱花虾炒饭、渍物汤品，另外再加多左个博刺身拼盘。🌟茶碗蒸茶碗蒸食落去真系好正，蒸蛋香滑，仲有海带等配料，口感独特。🌟帆立贝四元豚四元豚真系打破左我一直对猪肉既概念，四元豚黎自日本北海道，由日本四个最佳猪种混种育成（长白猪，大约克郡，杜洛克和伯克郡），食落去猪肉味浓，完全无猪膻味，肉质鲜嫩有弹性，配上昆布盐黎食真系一流；而帆立贝就新鲜，咬落面层微脆，值得推介！🌟樱花虾炒饭食落樱花虾脆口带香份，份量充足，炒饭粒粒分明，新鲜即炒食落极香！🌟渍物汤品渍物同面豉汤食落味道不错，刚好用黎解腻。🌟博刺身拼盘博刺身拼盘包括三文鱼、甜虾、带子、油甘鱼同埋真鲷，整体刺身新鲜，食落无雪味，比较值得推介三文鱼，食落够哂肥美！