榮少喇沙 (已結業)

烧鸡喇沙🥢话明「荣少喇沙」，喇沙固然系招牌菜，汤底有香浓嘅椰香同香料味，真材实料👍本身以为会系烧鸡扒，原来系鸡件，卖相虽然普通，但系鸡肉仍然juicy颇滑旁边嘅姜蓉甚有惊喜，佢唔系平时𠮶啲得个咸字，而系真系食到姜嘅新鲜原味，唔会太咸😋粉面选择都几多，一般嚟讲掺掺系指油面沟米粉，但系依度仲可以拣濑粉沟米粉，米粉幼身能吸收汤底嘅精华，濑粉爽滑，口感虽然不及油面弹牙，但系就会比较顺喉，几欣赏濑粉沟米粉依个组合🥢 手工虾多士🦐虾多士系一口size，上面有原只凤尾虾，多士望落比一般嘅厚身，所以除咗食到脆脆嘅外层，仲有面包嘅松软🍞奇亚籽柠檬薏米水🍋薏米水系固定甜度，唔会太甜，带微微嘅柠檬酸味，底下奇亚籽、薏米嘅份量都足够，几有咬口，可以清热解渴!店舖贴心咁提供风扇仔，食到热辣辣嘅时候最啱用~