唐記粉麵小食

营业中

休息中

唐记可算屯门家传户既车仔面档，由出世，番学甚至出黎做野，唐记仍然屹立至今。三𩠌车仔面由以前开业十蚊到而家廿三蚊，依然价廉物美。今日lunch食左个难食午餐，今晚要系唐记大食特食弥补我下昼受既罪😣我对自己好唔客气叫左牛杂粗面，再加红肠，豆卜，鸡翼尖。牛杂好丰富，有猪肠，牛腩，牛栢叶，金钱肚，牛部份应有尽有。食唐记一定要叫加腩汁，因为用左唔少牛腩焖制而成，所有牛腩精华留哂系汤汁中。豆卜一定要叫，豆卜表面卤汁全渗透，内里更暗藏满满汤汁，非常浓味。牛腩完全冇用梳打粉，全靠时间一分一秒焖煮变得软腍。金钱肚鲜嫩。猪肠肥美，内里清洁干净。牛栢叶非常爽口。鸡翼尖完全无需好困难吸啜先食到皮同肉，因为已经焖到好软好入味，轻轻一咬就轻易食到。红肠有成5片咁多架。