其味煮意 (已結業)

瘦编今日同屋企人黎到屯门买野，当然都要系附近揾食啦，平时多数系V city，今次特别啲，去到另一边，悦品酒店后面嘅工业大厦，试下依间平民食堂「其味煮意」。👍🏿-依间餐厅位置系一间工业大厦嘅1楼，铺位都几大，装修比我嘅感觉好干净整洁，同屋企人黎食野可以坐得好舒服唔会太迫。餐牌有好多选择，普通嘅午餐set平均$50左右，岩哂附近嘅打工仔。我同屋企人就试下升级套餐，美国安格斯西冷牛扒5oz同煎封三文鱼柳。牛扒脂肪分布平均，唔会太肥腻，肉质嫩滑，带有少许咬口，牛肉味道香浓，非常有惊喜。三文鱼唔会有雪藏味肉质结实，煎得岩岩好，唔会太干身，食落仲有啲肉汁。虽然只系小店，但系食材绝无马虎。配料都唔错，薯角同茄子新鲜炸起，好好食！🥰-同老板倾落计，知道原来佢地都系疫情下开业，餐厅坚持唔落味精，用料都好有要求，食客绝对可以安心食用。另外仲试埋佢地嘅下午茶热狗餐，劲好食！条热狗肠一咬即刻爆肉汁出黎，新鲜炸起鸡翼都好吸引，唔会炸过龙。如果我系附近做野，应该会成日引唔住食佢地嘅下午茶餐。😆-味道评分▶️🌕🌕🌕🌕🌗 (4.5)抵食评分▶️🌕🌕🌕🌕🌗 (4.5)回购评分▶️🌕🌕🌕🌕🌑 (4)-➡️ 其味煮意 (屯门)📍