串囍

营业中

休息中

无意中发现呢间串烧小店，星期五放工同老公试吓，结果有惊喜。日本厚切牛舌心串店员推介牛舌的一定要试。一串有3件，肉汁好丰富Juicy，外脆内软厚度也十足，果然冇介绍错，牛舌迷一定要试。羊架羊架好肥美，嫩滑厚肉，而且调味唔会太浓，好啱我口味，带羊香味又唔会太骚。珍宝生蚝珍宝生蚝有我手掌咁大，一上碟已经好开心。放左好多蒜头和虾干好香，略嫌蒜头比较生有啲辣。但生蚝烧得刚刚好唔会太熟，一咬就超juicy。西班牙黑豚腩串厚厚的黑豚腩肉，软腍且肉味香浓，爽滑而不油腻，好正。其余烧鳝串，鸡心串，鸡软骨和茄子都系好好味道。仲有好多想试，下次要约多几个朋友饮酒倾偈。佢每晚10点后啤酒买2送1，另外仲推出限定星期 2、3、4  串囍超串套餐，可以encore。