榮少喇沙 (已結業)

我哋今次去咗荣少喇沙，位置十分方便，地铁站行5分钟就到😍1️⃣珍宝喇沙 完全冇谂过会咁大份，咁扺食，珍宝喇沙有好多配料，加上份量好足，适合每样都想试嘅食客😍喇沙汤底好正宗，汤底唔会太重梛奶味，食得出黄姜、香茅嘅风味，似足系星加坡食嘅味道，餐厅有提供不同面底，亦有比较罕有嘅濑粉，我好奇拣咗嚟试咗下，完全喜出望外，即使浸咗汤好耐，濑粉依然好弹牙，加上香口嘅喇沙汤底，口感十分满足，配料值得一提嘅系猪软骨，腌得好入味，咬落去肉质软嫩，仲好痴牙，骨胶原十足，啱晒爱美嘅女士🤤2️⃣脆炸鸡排喇沙 汤底同珍宝喇沙一样咁滋味，惊喜嘅系佢嘅脆炸鸡块，佢应该系新鲜炸起，上菜时热辣辣，外脆内软，炸粉好薄，咬开啖啖肉汁，食得出应该用咗嫩滑嘅鸡髀肉🤤3️⃣小食拼盘 有齐炸鸡翼，春卷，炸虾饼嘅小食，好大份，每样都有3件，啱晒同朋友share😍炸鸡翼同佢嘅脆炸鸡块一样咁有水准，炸粉薄，肉质鲜嫩多汁，最impressed 系佢嘅春卷，系原只鲜虾，仲好贴心咁包咗紫苏叶，所以炸完都唔会觉得好油腻🤤最后，餐厅好多人食，如果唔想等位就要早啲嚟食