木玥巷

营业中

休息中

忙里偷闲，趁住自己今日放假，就到访左呢间台式餐厅，搬咗嚟屯门咁耐，终于有机会试哩间人气小店。本身自己好钟意食台式红烧牛肉面，特别钟意佢带有淡淡药材味嘅汤底。嚟到呢度，当然会叫佢哋嘅招牌红烧牛肉面啦，另外再加钱叫咗杯热柠水。本身自己都几嘴刁，对哩间餐厅嘅期望都好高，但佢哋绝对冇令我失望！红萝卜同白萝卜都好清甜（本身自己超钟意食萝卜，如果佢哋可以俾多几旧就好了）。牛肉味好浓郁好香，肉质亦好鲜嫩同煮得好淋好入味。面亦煮得啱啱好，弹牙，软硬度恰到好处。最嘅系佢嘅牛骨汤底，味道好浓郁，仲带有淡淡嘅中药材味（我嘅至爱），真系好想成碗当汤饮！下次会试吓佢𠮶盐酥鸡，卖相好似好吸引！