影片
更多
2021-05-15
767 浏览
第一次去到三圣食野，差啲荡失路，不过其实轻铁三圣站行10分钟内就到。后尾餐厅老板教落原来可以系附近搭港铁接驳巴士K52返屯门西铁站落，方便好多！餐厅装修干净企理，啲位都坐得舒服。我地一坐底就比pizza 吸引左，叫左意式辣肉肠茴香薄饼拼印度烤鸡薄饼($112)，佢可以双拼咁样拣，只系额外加多$10。pizza都算几足料，而且芝士拉丝目测至少15cm🤣🤣 饼底厚度适中，少少脆身，食落都软熟。印度烤鸡几重香料味，正常发挥。意式辣肉肠𠮶块就比较惹味，有两款香肠，味道都几丰富，但亦都唔会太咸。另外我哋仲叫咗印度咖喱羊肉配烤包($89)。原本咖喱净系午餐先有，但系我哋胆粗粗问夜晚可唔可以有得嗌，结果侍应走入厨房问完之后话可以特登整俾我哋😆个咖喱微辣同埋偏甜，食落唔算太油，我同朋友都唔系好食得辣，觉得味道啱啱好！成碟总共有四至五旧羊肉、两三旧薯仔，仲有四件烤面包跟😛羊肉食落冇乜膻味， 不过我就觉得可以再煮得腍啲。朋友仲叫咗一杯芒果拉西($38)，开头仲惊会太甜，但系饮落甜度啱啱好，芒果味好香浓！饮完开胃唔会觉得漏，绝对系加分😁最后必须要赞下老板十分热情好客，会主动走埋嚟介绍餐牌嘢食，埋单之后仲教我
第一次去到三圣食野，差啲荡失路，不过其实轻铁三圣站行10分钟内就到。后尾餐厅老板教落原来可以系附近搭港铁接驳巴士K52返屯门西铁站落，方便好多！餐厅装修干净企理，啲位都坐得舒服。
我地一坐底就比pizza 吸引左，叫左意式辣肉肠茴香薄饼拼印度烤鸡薄饼($112)，佢可以双拼咁样拣，只系额外加多$10。
pizza都算几足料，而且芝士拉丝目测至少15cm🤣🤣 饼底厚度适中，少少脆身，食落都软熟。印度烤鸡几重香料味，正常发挥。意式辣肉肠𠮶块就比较惹味，有两款香肠，味道都几丰富，但亦都唔会太咸。
另外我哋仲叫咗印度咖喱羊肉配烤包($89)。原本咖喱净系午餐先有，但系我哋胆粗粗问夜晚可唔可以有得嗌，结果侍应走入厨房问完之后话可以特登整俾我哋😆
个咖喱微辣同埋偏甜，食落唔算太油，我同朋友都唔系好食得辣，觉得味道啱啱好！成碟总共有四至五旧羊肉、两三旧薯仔，仲有四件烤面包跟😛羊肉食落冇乜膻味， 不过我就觉得可以再煮得腍啲。
朋友仲叫咗一杯芒果拉西($38)，开头仲惊会太甜，但系饮落甜度啱啱好，芒果味好香浓！饮完开胃唔会觉得漏，绝对系加分😁
最后必须要赞下老板十分热情好客，会主动走埋嚟介绍餐牌嘢食，埋单之后仲教我哋坐巴士🤩加上呢间餐厅主打多国菜，其实仲有好多选择，只系我哋得两个人食唔到咁多😂如果一班朋友嚟应该可以试多啲嘢！
张贴
