影片
更多
2021-08-17
792 浏览
男友帶我食點心，估唔到屯門有好味點心，店外招牌都帶中式茶樓風格，點心款式算多，連蛋散、鮑魚燒賣都有，最正係有盅頭飯，平時酒樓一早賣哂，呢度下午都仲要得食。有四款茶揀，鐵觀音、香片、普洱、壽眉，我地飲普洱，茶葉幾香。鮑魚燒賣超大粒燒賣，啖啖肉，有肥豬肉爽口，蝦肉彈牙，仲有粒彈滑鮑魚，雖然都係罐頭鮑魚，但味道濃郁，越咬越出味。蛋散鬆化香甜，蛋味突出，好似食馬仔咁，非常好味。薑蔥牛柏葉呢款有別於一般牛柏葉，薑蔥味清新，令牛柏菜多份清爽口感，個汁唔會湖口，食完唔膩。鮮蝦腐皮卷剪得好香脆可口，腐皮超薄脆，口感很好。內餡的蝦肉入味又爽彈，而且煎得唔油。金錢肚個味道好特別，非常濃郁，有點似炆牛腩咁濃味，好夾牛肚，每口都爆出醬汁，好惹味。流沙奶黃包襯熱好食，凍左冇咁流質。爆餡奶黃好幼滑，蛋黃味突出，包厚度剛好。牛肉腸粉好滑好透薄的腸粉，牛肉餡料平均，味道好。下午都食到盅頭飯，好開心。鳳爪排骨飯好香，醃得夠味，鳳爪軟腍，排骨嫩滑，個飯外面乾爽，咬落香軟，拌勻豉油同飯，味道更佳。
男友帶我食點心，估唔到屯門有好味點心，店外招牌都帶中式茶樓風格，點心款式算多，連蛋散、鮑魚燒賣都有，最正係有盅頭飯，平時酒樓一早賣哂，呢度下午都仲要得食。
有四款茶揀，鐵觀音、香片、普洱、壽眉，我地飲普洱，茶葉幾香。
鮑魚燒賣
超大粒燒賣，啖啖肉，有肥豬肉爽口，蝦肉彈牙，仲有粒彈滑鮑魚，雖然都係罐頭鮑魚，但味道濃郁，越咬越出味。
蛋散鬆化香甜，蛋味突出，好似食馬仔咁，非常好味。
薑蔥牛柏葉
呢款有別於一般牛柏葉，薑蔥味清新，令牛柏菜多份清爽口感，個汁唔會湖口，食完唔膩。
鮮蝦腐皮卷
剪得好香脆可口，腐皮超薄脆，口感很好。內餡的蝦肉入味又爽彈，而且煎得唔油。
金錢肚
個味道好特別，非常濃郁，有點似炆牛腩咁濃味，好夾牛肚，每口都爆出醬汁，好惹味。
流沙奶黃包
襯熱好食，凍左冇咁流質。爆餡奶黃好幼滑，蛋黃味突出，包厚度剛好。
牛肉腸粉
好滑好透薄的腸粉，牛肉餡料平均，味道好。
下午都食到盅頭飯，好開心。鳳爪排骨飯好香，醃得夠味，鳳爪軟腍，排骨嫩滑，個飯外面乾爽，咬落香軟，拌勻豉油同飯，味道更佳。
张贴
