影片
更多
2021-05-20
45 浏览
喺屯门起家嘅闺家之前喺富健嘅总店结业之后，最近喺屯门新墟𠮶头开返喇！一去到发现大排长龙，知佢哋咩料啦🤪😋 棒棒糖卤鸭饭 $52😋 手剁香煎莲藕饼紫薯面 $45😋 凉拌海蜇手撕鸡 $38佢哋嘅menu真系好癫，你以为见到糖卤鸭饭呢啲咁嘅食字gag好癫咩，你睇埋英文译名就真系知佢哋咩料喇😆 香煎莲藕饼猪扒饭系LIHKG-PIG，梅子金沙骨饭英文系404 Not Found，手撕鸡英文系Hand C Chicken，问你死未😙呢间餐厅主打家的感觉，叫饭餐跟𠮶碗汤真系如杜生所讲系无味精㗎！𠮶日嘅汤系雪梨蜜冬百合煲猪𦟌，都几甜，几开胃！另一个可以体现到家的感觉嘅就系佢哋啲份量，通常老母都会怕仔女食唔饱而畀好多嘢佢哋食，呢度净系一碗紫薯面，望到都惊食唔晒呀😂谂咗一阵点解叫棒棒糖卤鸭饭，糖卤鸭我明呀，棒棒糖又点解呢🤣 系咪解啲鸭肉成碌棒棒咁呢？无人知，但的确卤得几入味几出色，点埋个甜甜的酱更出色～之前去富健𠮶间想食手工面，点知𠮶日部机坏咗，今次重开终于试到！有紫薯、甘荀同埋菠菜三只味拣。面几幼身，条条分明唔会痴埋一嚿，同埋一定要尽快食，因为索咗汁就无咁好食㗎喇😗 跟面嘅莲藕饼真系好值得小编吹奏，第一
😋 棒棒糖卤鸭饭 $52
😋 手剁香煎莲藕饼紫薯面 $45
😋 凉拌海蜇手撕鸡 $38
佢哋嘅menu真系好癫，你以为见到糖卤鸭饭呢啲咁嘅食字gag好癫咩，你睇埋英文译名就真系知佢哋咩料喇😆 香煎莲藕饼猪扒饭系LIHKG-PIG，梅子金沙骨饭英文系404 Not Found，手撕鸡英文系Hand C Chicken，问你死未😙
呢间餐厅主打家的感觉，叫饭餐跟𠮶碗汤真系如杜生所讲系无味精㗎！𠮶日嘅汤系雪梨蜜冬百合煲猪𦟌，都几甜，几开胃！另一个可以体现到家的感觉嘅就系佢哋啲份量，通常老母都会怕仔女食唔饱而畀好多嘢佢哋食，呢度净系一碗紫薯面，望到都惊食唔晒呀😂
谂咗一阵点解叫棒棒糖卤鸭饭，糖卤鸭我明呀，棒棒糖又点解呢🤣 系咪解啲鸭肉成碌棒棒咁呢？无人知，但的确卤得几入味几出色，点埋个甜甜的酱更出色～
之前去富健𠮶间想食手工面，点知𠮶日部机坏咗，今次重开终于试到！有紫薯、甘荀同埋菠菜三只味拣。面几幼身，条条分明唔会痴埋一嚿，同埋一定要尽快食，因为索咗汁就无咁好食㗎喇😗 跟面嘅莲藕饼真系好值得小编吹奏，第一佢厚身，第二佢入而食到好多莲藕粒同食到猪肉口感，第三系煎得非常香😝
因为唔知佢个份量咁癫，我哋仲叫咗个小食，试吓佢哋个凉拌海蜇手撕鸡。呢个就无以上讲嘅咁好食，手撕鸡肉略嫌有啲实。
张贴
