Food Combo (已結業)

喺屯门食饭除咗去vcity及屯市之外，系新墟或V city附近都有不少餐厅，今日就比我发现左新大陆。我今日喺V city对面见到间餐厅装修光猛，望个餐牌食物都岩食，所以就同老公去试一试。餐厅店面不算大座位不多但装修简约，而且喺V city一田对面非常方便。食物全是套餐，每个set都有汤、沙律、小食、主菜仲有水果添，营养非常均衡丰富。我地分别点了什扒黑椒汁配南瓜薯饼及香煎挪威三文鱼习草蛋黄酱配炸鸡粒。饮品系自助，有热有冻，我地拣左红枣姜茶，非常养生。套餐的摆盘好有无所良品的感觉，而且非常丰富。罗宋汤好味又足料，连平时唔饮汤既我都饮哂。南瓜🎃薯饼都好味，不过我最满意既系杂扒，因为除左有牛扒之外，仲有爽口弹牙既大虾🍤、肠、日式炸鸡翼和烟肉。个餐还有大量牛油粟米和薯蓉，样样食物都好岩我。最赞既系佢有埋新鲜沙律和切好哂既水果，绝对系懒人之选👍🏻👍🏻煎挪威三文鱼习草蛋黄酱配炸鸡粒唔够什扒好味。三文鱼煎得香脆可口，但略嫌普通，习草蛋黄酱绝对有提味既作用，点左之后味道完全系另一个层次。总括来讲，一个餐满足我对食物及营养既需要，绝对系不错的选择。