影片
更多
2024-06-20
1040 浏览
冬天嚟吉氏食过，十分之高质，知道佢哋嘅Menu每季转换，特登返嚟试吓春天菜式。🍽️青口配茴香酒忌廉汁🍽️一上菜就闻到好香嘅茴香酒味。青口非常嫩滑juicy，用力嗦一下就滑到入口。茴香酒香同青口的鲜味平衡左忌廉汁嘅厚重感，creamy的酱汁又强调咗青口的滑。整道菜嘅平衡非常之好，开胃又美味。忌廉汁醮烘到脆一脆既餐包都系绝配。🍽️法式鸽子千层批🍽️呢一道系香港好少食到嘅传统心思手工菜，单系份历史情怀已经好正。同一碟上，一鸽二食，分别系烟熏鸽腿，同埋千层批中的鸭胸。鸽腿肉油煎再烟熏，有香味之余更有脆皮的感觉，食到半途忍唔住要放底刀叉用手指黎好好品尝。千层批表面焗得够酥够香，鸽胸肉鲜嫩多汁。特别的系千层批中一层的波菜同埋鸡肉慕斯，一来将鸭肉同酥皮分隔，令酥皮唔会被鸽子嘅油同汁浸腍，二来衡咗油润的鸽肉。鸡肉慕斯软滑之余又提供咗另一种禽肉的味道，好好咁connect 咗烟鸽腿同鸽胸，令成度菜层次分明，甘香可口。🍽️法式芥末香草烧羊架配法式薯丝饼，普罗旺丝炖菜🍽️宝云酥羊架表面香脆，内里嫩滑Juicy 。配上酸酸甜甜嘅普罗旺炖菜，中和返羊嘅油腻感。薯丝饼焗得外脆内嫩，为整道菜添上一啲淀粉，非常完满。🍽️巴伐洛娃蛋
🍽️青口配茴香酒忌廉汁🍽️
一上菜就闻到好香嘅茴香酒味。青口非常嫩滑juicy，用力嗦一下就滑到入口。茴香酒香同青口的鲜味平衡左忌廉汁嘅厚重感，creamy的酱汁又强调咗青口的滑。整道菜嘅平衡非常之好，开胃又美味。忌廉汁醮烘到脆一脆既餐包都系绝配。
🍽️法式鸽子千层批🍽️
呢一道系香港好少食到嘅传统心思手工菜，单系份历史情怀已经好正。
同一碟上，一鸽二食，分别系烟熏鸽腿，同埋千层批中的鸭胸。鸽腿肉油煎再烟熏，有香味之余更有脆皮的感觉，食到半途忍唔住要放底刀叉用手指黎好好品尝。千层批表面焗得够酥够香，鸽胸肉鲜嫩多汁。特别的系千层批中一层的波菜同埋鸡肉慕斯，一来将鸭肉同酥皮分隔，令酥皮唔会被鸽子嘅油同汁浸腍，二来衡咗油润的鸽肉。鸡肉慕斯软滑之余又提供咗另一种禽肉的味道，好好咁connect 咗烟鸽腿同鸽胸，令成度菜层次分明，甘香可口。
🍽️法式芥末香草烧羊架配法式薯丝饼，普罗旺丝炖菜🍽️
宝云酥羊架表面香脆，内里嫩滑Juicy 。配上酸酸甜甜嘅普罗旺炖菜，中和返羊嘅油腻感。薯丝饼焗得外脆内嫩，为整道菜添上一啲淀粉，非常完满。
🍽️巴伐洛娃蛋白饼🍽️
必食之选，每一次嚟到都叫！屯门甚至香港都好少有卖嘅Pavlova！
🍷白酒Sangria🍷
白酒做base沟上七喜同柠檬，为炎炎夏日带嚟清爽嘅感觉！
今次系第二次嚟食，食物质素依然非常高。同老板娘倾咗几句，先知道原来大厨喺著名西餐厅上环abc岀身，难怪岀品咁精致。呢啲咁有诚意有心思嘅小店十值得大家大大力支持！
张贴
