金蘭花泰國菜館

营业中

休息中

全靠屯马开通真的令我很兴奋😂😂🤣🤣作为新界西人住喺有牛嘅地方，老公终于肯带我去九龙城食嘢😎😎其实九龙城有好多间泰国嘢，我哋都唔知去边间好，最后凭感觉是但入咗一间😎😎🤣🤣老公梗系嗌咗佢一定要饮嘅冬阴功汤，我个人真系觉得麻麻地，好似我仲会整得好味啲咁，哈哈🤣🤣可能我想像佢会好有泰国风味，但系最后好似好淡好水咁🥺🥺我哋叫咗个小食拼盘，每次去泰国菜都会嗌小食拼盘。佢个虾饼整得几好食，串烧就好似全部都系鸡，其实我哋唔系好食得出，问佢佢都唔系好答到，净系话俾我知啲串烧唔会有牛😅😅个春卷一般发挥😅😅冇乜特别！香叶包鸡啲肉太硬，咬唔开🥺🥺我今日特登嚟食嘅主角终于出场，一直好想食盐烧鲫鱼，因为我表妹好钟意食佢成日同我讲话好好食一定要试。结论系个皮一定要小心揭开因为面头好多盐好咸，啲鱼肉系好Juicy好甜好新鲜😍😍😻😻🤩🤩最后我哋每人叫咗一杯沙冰，但系我建议大家唔好嘥钱叫，一啲都唔好饮。下次如果我再食泰国嘢都系饮返椰青，应该会稳阵好多。