鮨叄 (順利商場)

营业中

休息中

APM食嘢真系比较贵，小编就选择系观塘市中心 、APM往北行走到山上，有条顺利邨，原来有间细细间嘅居酒屋！虽然系条老邨到，但舖头装修一啲都唔老！以为会好多人，入到嚟人流并唔系太多！舖头比我想像中细！但坐得都舒服嘅，服务态度都良好！今日叫咗四件军舰同埋一个小卷！紫菜就好够脆，整体食材都新鲜！八爪鱼唔太腥，蟹子都新鲜，唔似雪左好耐！龙虾沙律亦都唔差！都好食嘅！蟹膏虽然比较普通，但系价钱都好合理！亦有蟹味！可以合格！仲有叫咗个三文鱼卷，三文鱼就都算新鲜！配咗少少酸姜！酸姜就真系唔系好够酸！佢只系一个配角，冇所谓啦！跟住送咗个面豉汤，放咗三文鱼骨落去煲，饮𠮶时要小心啲，有时会有啲碎骨出咗嚟！虽然比较清淡，但系都对健康有益！估唔到会系呢啲屋邨揾到呢啲小店！今次用餐愉快，有机会可以再上嚟食多次！