金源小館 (已結業)

夜收工，食埋宵夜先返归，上次食大发，今次试埋对面既金源，午市人太多，系湾仔好几年工作都未试过，又试下这里的水准。一坐底都未决定食咩，阿姐已经推介山东烧鸡，咁就要只山东烧鸡。要点送酒，要个椒盐九肚鱼，加多个琵琶豆腐，宵夜黎讲都好丰富下。山东烧鸡话咁快就上枱，鸡本身无咩味，得个滑字，个味靠的系个特别调教既汁，少少咸，不太特别，不过都系正常水准。椒盐九肚鱼，仲以为自己叫错，九肚鱼几大条下，炸功就好一般，普遍系外脆内腍，不过都有一少部份系内外都腍，麻麻地既椒盐九肚鱼。琵琶豆腐，唔系一味好大堆汁既琵琶豆腐，这个反而做得唔错，炸得金黄色，正正常常的一味。埋尾送碗豆腐花，有微微既豆香，都可以的。唔太贵，都可以一试的地方。