栢記

营业中

休息中

多数人食海鲜都会去西贡,鲤鱼门,流浮山等地方。话说老豆呢排成日都去鸭脷洲返工，仲成日都yo 我地去鸭脷洲食海鲜。话好底食！今晚就衬肥姑丈生日，几家将军澳人，长途跋涉去鸭脷洲食个海鲜餐！我地先系楼下街市海鲜档买海鲜，然后拎上餐厅加工。除左海鲜，我地仲点左炸大肠同蚬芥鲮鱼球做前菜！炸得岩岩好，鲮鱼够弹牙外友够脆，炸大肠同样美味！陈皮蒸南非饱！钟意食南非鲍系因为佢够晒大只之余又唔会好似9孔鲍咁难咬！师傅蒸得刚刚好，鲍鱼好食唔再讲，啲精华落左落啲汁度，个豉汁都𩠌到几碗饭！幡龙鳝，卖相真系有点丑豉汁亦唔够味⋯，但好在我地简左条靓鳝！本来无谂住食鳝，但行过街市见到小有海鳝，仲要平过出面好多，唔洗讲，即买！果然，海鳝鳝晒肥美，更仲要系够爽口！可惜衰左系个无味汁度⋯豉椒炒圣子一定要加米粉底！咁样先至可以食埋啲汁！果师将米粉煎香放底先放炒好嘅圣子，果然最后食到汁都无得剩！美中不足系圣子炒得太熟，，难咬。