栢記

营业中

休息中

我們兩人去完海洋公園，第一次去鴨脷洲街市，買了$270海鮮，隨意上一樓搵食肆。柏記招呼唔錯，就坐低。帶來海鮮叫他們做了三個菜：蒜蓉開邊蒸中蝦（若10両）、果皮蒸大連鮑魚（4隻）、薑蔥炒花蟹（1隻）。跟住驚唔夠食，叫多一個例牌蒜蓉蒸龍躉。全部上枱都好快，火喉啱啱好，味度也調得很不錯，蒜蓉非常香，食得好愉快。埋單$438。這裏雖然是街市樓上，地方算乾淨企理。我們5:30已坐低，所以不算太多人，也不嘈，會再來。

As my mom had recommended this seafood resto frequently and my bro had returned from Canada, my whole family went to this resto with my relatives too. .We ordered the following dishes:-Deep-fried Bombay Duck with Spicy Salt Succulent fish with a crunchy exterior and a soft interior, seasoned to perfection. -Tofu with Salt and Pepper Crispy and hotly-fried tofu, seasoned with salt and pepper, offering a flavourful bite. -Sweet and Sour Pork Fried pork with onion, yellow pepper and green pepper, t

🍽️食物方面：🦀凍蟹 🐟蒸魚 🧄蒜蓉蒸蟶子🧂椒鹽鮑魚 好少見咁煮 炸完唔會好靭 🦒白烚長頸瀨尿蝦 🐔半隻豉油雞🉑喺街市買海鮮上去加工 會教你點食真心抵食😌咁多海鮮埋單都係💲3xxx🔈環境方面：熟食中心大排檔樣 小心地滑❕💬其他資訊：栢記 📍鴨脷洲洪聖街8號鴨脷洲市政大廈1樓⏰ 5:30-10pm (星期2️⃣唔開）

星期五晚 難得唔洗返學 同左一大班人去鴨脷洲熟食中心食海鮮 呢度最特別係可以係樓下街市自己揀完啲海鮮 拎上去熟食中心比d大排檔加工 因為有個frd唔係打工狗 唔洗返朝九晚六 所以揀海鮮嘅重任就交左比佢🤭🤭大廚方面我地揀咗熟食中心入面嘅柏記，姐姐靚仔會幫你係咁換碟 大排檔黎講真係算係咁 蒜蓉粉絲蒸扇貝白𤆥蝦豉椒炒聖子豉椒炒貴妃蚌豉椒炒蜆清蒸魚陳皮蒸鮑魚龍蝦伊麵另外再加左個生炒骨，通菜同埋椒鹽鮮魷，所有野都好好送飯，好好食人均消費$500都唔洗，不過環境同衛生你就預左麻麻地😂😂

自己買左啲海鮮去位於鴨脷洲嘅栢記加工，有蟹，有蝦，有鮑魚，有聖子。除左蝦比較清淡啲，其他幾樣都加工得比較惹味。有少少辣椒🌶️，吊味，不過唔係好辣嘅！味道同價錢都不過不失！聖子

第一次睇OpenRice嚟食飯，叫咗椒鹽九肚魚，豉椒炒鮮魷，芥蘭炒牛肉同埋京都骨，一罐可樂，埋單$366，兩個人食到捧住個肚走！椒鹽九肚魚外脆口入邊多汁，非常新鮮亦沒有太多粉；豉椒炒鮮尤，尤魚好厚身，鮮甜亦都好惹味；芥蘭炒牛肉，芥蘭就麻麻啦，應該係預先淥熟再炒，反而牛肉夠林好食；京都骨唔係只有少肥肉，炸得好，甜酸適中，仲有唔少菠蘿襯碟！地方就係熟食街市入面，地面好滑小心行走，枱面算乾淨，但整體可以更好！

一家人特登由屯門過來試下柏記珠記，結果兩間都態度差到爆炸。係樓下買嗮d海鮮，結果一上去兩間都當你透明人，一問有冇位，黑口黑面講冇訂位唔洗等。阿媽表示驚訝“下”咗一下，被人串“下乜下”。出咗名就串人，唔會再去

特登由山頂行山入鴨脷洲食海鮮，係絕對沒有失望的！！！！！其實本來住香港仔嘅朋友係食開珠記，但佢無開，不過栢記都好有驚喜！蒜蓉蒸蟶子王蟶子王喺樓下街市買，加工費80鮑魚都喺樓下買，自己買海鮮嘅好處係可以淨係一人食少少然後試多幾樣，椒鹽鮑魚呢個食法幾得意，鮑魚炸完又唔會太un仲買左一兜中蝦，海鮮檔老闆娘推薦我哋食胡椒蝦，可惜栢記唔整，不過佢哋整嘅豉油王蝦都好好食！同埋值得一讚係都洗得幾乾淨！同埋黑頭全部剪晒！再嗌多一兩個海鮮，全部都好好食！！！！都只係人均200零300

終於可以一行四人約食晚飯，大家第一時間最想去食的就是鴨脷洲街市熟食中心內的「栢記」。好多鴨脷洲街坊都會來食晚飯，因為可以在地下街市海鮮檔買海鮮上去比「栢記」加工，無論什麼海鮮都難唔到栢記大廚，經他主理後通通都變成佳餚美食。早一個星期已經打去訂枱，順便order定半隻豉油雞，他們的豉油雞好有雞味👍今次我們買了：魚頭、鮑魚、蟶子、大蝦、活魚、蝦膠及墨魚膠。店員建議如何烹調這些海鮮：沙爆魚頭鍋、椒鹽鮑魚、蒜蓉蒸蟶子、豉油煎大蝦、清蒸活魚、煎蝦膠及墨魚膠。最後點了碟炒菜，總共八道菜，真係味味精彩。我們最欣賞係個椒鹽鮑魚，可以做到椒鹽得嚟隻鮑魚仲咁軟身。煎蝦膠及墨魚膠也是另一驚喜，我以為係煎餅果種煮法，原來唔係，我估係成餅先蒸再切條炸。之後大廚行出嚟同我地傾了幾句，他好有善地分享他的廚藝經驗😊總結：美味及價錢合理。如想星期六、日晚來最好先訂位。

平時去買海鮮加工都係街市買,再開車去餐廳,今次特別小小啦,直接係樓下街市買完仲識郁既超迎鮮海鮮.再上去市政大廈餐廳加工,老實講..環境同埋衛生就真係....好一般...但試過一次..食物真係幾好既....埋單只係340. 加工貴好平..又好食...唔怕環境比較那渣,可以一試...另外D姐姐都好好,會一直幫你收碟換碟.港女表示..試一次好了....係樓下買左條2斤幾沙巴仔清蒸我會比7分啦 其實佢蒸得幾好 但始終肉厚 有小小小UN..但真係好好架啦..雜菜煲 大路野 幾好買左兩隻肉蟹整避風塘炒蟹炒得好好呀!! 唔太咸又入味.

上星期鴨脷洲 Urbanwood Hotels Staycation，中午以舢舨遊走於兩岸間，仲要食埋「流叔船河」，晚上意猶未盡，一於走進街市食海鮮。幾年前曾經跟食友到訪過一次，當時仍未有地下鐵，出入都幾轉折，家陣係利東站出，信步而行都只係幾分鐘腳程，變化真大。幾年前光顧過另一間，感覺良好，今次就試試另一間「柏記」。由於限聚令下，大家要分檯坐，食物照樣上檯，不過每次都要share。椒鹽鮮魷新鮮就是不一樣，鮮魷夠厚肉，炸漿薄而且微脆，送啤酒真係絕配。蒜蓉粉絲蒸扇貝精髓在於粉絲，蘸滿了蒜香及扇貝的肉汁，鮮香到一個點，加上醬油調較得啱啱好，簡單而味美。薑葱炒蟹用上巴掌大小花蟹，肉是沒多少，但夠鑊氣，大概香港人喜歡大牌檔就是主因，薑蔥同樣最吸引我，沾上了蟹汁，真係好惹味。黃金蝦絕對係有水準，咸蛋黃緊扣蝦殼，炸得非常香口，蝦肉彈牙，雖然好邪惡，但好難唔食。蜆芥鯪魚球毫無腥味，肉質夠彈，魚味濃，不錯。咕嚕肉醬汁甜酸調教平均，而且恰到好處，食完碟底無多餘醬汁，但炸得比較乾身，可以更好。芥蘭炒牛肉好地道的家常菜，芥蘭選得好，食落爽甜，牛肉就一般。豉椒花甲喜歡夠辛勁，花甲肉質好嫩，而且無砂，但有部份未開

聽聞鴨脷洲因為島形酷似鴨舌而命名，莫非如此，居於漁港的居民得天獨厚，經常可享用特別生猛、品種其多的海上鮮，這細長的鴨脷果然是近水樓台！光是不長的鴨脷洲大街，兩旁已有兩家海鮮店，總讓我注目，不捨離開。鴨脷洲市政大樓地下是街市，與其說是街市，不如說成海鮮市場，我的眼睛不斷被各式各樣、琳瑯滿目的魚、蝦、蟹、鮑魚、象拔蚌等圍繞，翻滾的口水幾乎跟海水混在一起！幸好市政大樓1樓是熟食中心，數家店子歡迎海鮮來料加工，又或是直接享用店方提供的海鮮，如汪洋的口水可暫時給制止！看來栢記的海鮮也蠻不錯啊，還未到晚飯時段已有客人在用餐，海鮮菜式與醇酒互相輝映！時不宜遲，各自點上喜歡的菜式便等著吃！第一道幾乎是中式飯店的必吃，生炒骨外酥肉軟、調味自然，特別要讚的是鬆化脆薄的炸漿。說時遲、那時快，辣鹽鮮魷緊隨而來。魷魚新鮮軟彈，配合薄而不油的炸漿，入口乾爽利落，令人舒暢的炸鮮魷！炒花蟹有著豐盈的蟹羔，這邪惡的滋味， 不會不吃吧！酥炸鯪魚球沒有一絲油膩感，證明大廚控制火喉了得，而鯪魚肉打得細密，帶來幼細彈牙的口感，要一提蘸醬不是常見的蜆介，栢記用上自家製的腐乳醬，為魚鮮添上創意，譜出新穎的口味！這道炒花甲是我吃過最

大家都知道鴨脷洲係一個小漁港，但係而幾年有左地鐵之後人流多左好多好多，但係仍然保留一啲老啲同海鮮店，當然有好多西餐同其他人特色既鋪頭咁今次有朋來自遠方就帶佢地上市政到食飯啦，咁點都會買啲海鮮招呼下朋友，等佢地感覺下漁港既風味，我地係樓下街市買左啲聖子，龍蝦，大膏蟹，同斑馬瀨尿蝦，價錢合理👍🏼👍🏼去到先黎一個豉椒聖子皇，佢好細心每條都劏好晒無晒沙，又唔會俾啲汁蓋過鮮味👍🏼👍🏼之後就係椒鹽瀨尿蝦，啲膏多到不得了😍😍😍啲蒜香味好正，好夠火喉再黎個上湯龍蝦，不過今次唔係伊麵底，竟然係用飯底☺️出奇地啲飯吸收晒啲汁好好味👏🏼👏🏼食晒啲飯都未食完龍蝦就知個飯底幾吸引最後以為係新加坡先食到胡椒炒蟹，不過而個太辣啦，食左小小，但係獲氣一樣十足，全部都好正👍🏼👍🏼

鴨脷洲是一個四面環海的小島， 原居民是漁民，以漁業為主，後來被發展為新市鎮 ，所有原居民在大街安居 ，保留一貫漁業特色。 如果想去鴨脷洲，現在已經有地鐵可以通往，交通十分便利 ，在市政大樓二樓有一間叫栢記的海鮮小炒， 我們一行6人， 在市政局地下的街市購買自己喜歡的海鮮，這個海鮮市場十分出名，很多飲食名家也會專程在這裏購買，每日由本地拖船帶回的新鮮海產，而且價錢也算公道，最緊要新鮮 ！我們買完了新鮮海鮮後，便由餐厅專人代煮， 饒有特色！栢記的避風塘大眼雞真是令你一吃難忘， 味菜炒鮮魷也是一絕，生炒骨頂瓜瓜，椒鹽九肚魚冇得頂，清蒸鮑魚火候恰到好處 ，推介！#环境市政局#服務一般 #食物特色

朋友來港，住在南區的酒店，決心要帶他食有香港特色的東西，但由於八點落機，到酒店check-in 後已時候不早，上openrice 搜尋那裡有夜開的食店，發現原來利東的街市有熟食中心，最夜關門的食檔是12:00，就決定坐地鐵到利東站前往。還是本人第一次坐南區線呢！估不到約10:20去到，熟食中心的食店只剩得一間還在營業！只剩兩枱食客😔但店員很好，叫我們不要急，慢慢諗，慢慢食。因為有朋自遠方來，我點了「市價」的聖子皇和帶子，阿姐建議用蒜蓉粉絲蒸，果然冇介紹錯，聖子皇很大隻，粉絲的份量也很多！佐飯一流！生炒排骨及紅燒豆腐很有鑊氣。店員態度友善，就算只剩下我們一枱也不會因為阻礙了他們收工而黑面，真的要讚。埋單$400三個人，有海鮮、有肉、有菜，也屬抵食。