影片
更多
2019-12-02
2321 浏览
其实小店位置唔算好近我office，但因为有个外卖app每逢8,18,28号会同啲餐厅合作做优惠，呢次我就拣咗山城牛肉面🍜试下。小店位置都几隐蔽，喺太子大埔道𠮶边，我自己就比较少经过。店舖大大个招牌，去到就一定望到。餐厅都几细，望落坐唔到多过20人，出面就贴咗好多餐牌。女店员好熟手，我等咗好快就有外卖拎，佢仲好识做生意咁送张卷俾我下次堂食可以送碗冰粉😍，其实我都几钟意食，想试下！我买咗🍜山城牛肉面(原价$38)，要咗粗面，少辣。首先令我最为满意系个面质，我估唔到隔咗成20分钟先食，又无将汤同面分开嘅情况下，面条完全无淋到，仲几弹牙爽口，加分。虽然话系粗面，但实则无话真系特别粗。🐮牛肉粒就唔系好多，大约5嚿到，食落比想像中好食，因为肉唔鞋口，又几入味，嫌略份量较少，可以多啲同大粒啲。至于汤底呢，我就要咗小辣，骤眼望落碗面都几红，以为会几辣下🌶。好彩个辣度真系小辣嚟，我成程唔饮水都食得哂个面。食完无口干，不过都油油地，两片生菜🥬直头索哂油，无食到。碗面本身有葱同芫茜，唔啱食记得走咗去。总括嚟讲，碗牛肉面算有惊喜，可能我本身估计未必好啱食，但面质、牛肉同汤底都唔错，推介可以试下粗面。外卖碗望
其实小店位置唔算好近我office，但因为有个外卖app每逢8,18,28号会同啲餐厅合作做优惠，呢次我就拣咗山城牛肉面🍜试下。小店位置都几隐蔽，喺太子大埔道𠮶边，我自己就比较少经过。
店舖大大个招牌，去到就一定望到。餐厅都几细，望落坐唔到多过20人，出面就贴咗好多餐牌。女店员好熟手，我等咗好快就有外卖拎，佢仲好识做生意咁送张卷俾我下次堂食可以送碗冰粉😍，其实我都几钟意食，想试下！
我买咗🍜山城牛肉面(原价$38)，要咗粗面，少辣。首先令我最为满意系个面质，我估唔到隔咗成20分钟先食，又无将汤同面分开嘅情况下，面条完全无淋到，仲几弹牙爽口，加分。虽然话系粗面，但实则无话真系特别粗。
山城牛肉面
$38
60 浏览
0 赞好
0 留言
🐮牛肉粒就唔系好多，大约5嚿到，食落比想像中好食，因为肉唔鞋口，又几入味，嫌略份量较少，可以多啲同大粒啲。至于汤底呢，我就要咗小辣，骤眼望落碗面都几红，以为会几辣下🌶。好彩个辣度真系小辣嚟，我成程唔饮水都食得哂个面。食完无口干，不过都油油地，两片生菜🥬直头索哂油，无食到。碗面本身有葱同芫茜，唔啱食记得走咗去。
38 浏览
0 赞好
0 留言
总括嚟讲，碗牛肉面算有惊喜，可能我本身估计未必好啱食，但面质、牛肉同汤底都唔错，推介可以试下粗面。外卖碗望落唔大，但面量好多，绝对够饱，估计堂食应该都差唔多挂。拎外卖时，舖头都有唔少食客，我下次经过都会再嚟食，顺便可以换埋个冰粉😛！
张贴
