山旮旯 (已結業)

几乎每人食完山旮旯都赞不绝口，终于到我一试，经app订位部分食物仲有折。虽然佢个位真系有啲山旮旯，但朋友同我都觉得值得再访，下次要试埋啲手工啤。马拉蚬热锅配蒜蓉包：未食过马拉蚬嘅我地以为啲蚬系鼓椒炒蚬嘅size，点知成只青口咁大，啖啖肉，可惜煮老左少少有啲韧。个汁白酒同牛油味都好岀，蒜蓉包系白家制，喺法包搽上新鲜蒜茸再焗，又脆又香，捞埋汁一流！黑椒蜜糖薯仔和牛粒：镬仔牛粒真系点整都好食，和牛粒同薯仔嘅份量约1:1，和牛粒好淋，唔算好有肉味，但每粒都裹满少少辣嘅黑椒蜜糖汁，好快就清哂成碟，如果薯粒有焦边就仲正。紫薯鲜奶：见到只紫色咁梦幻好惊啲味好假，点知又几天然，虽然奶嘅比例多左啲但都几好饮。