鐵板先生

营业中

休息中

平时都知道山林道有好多唔同嘅餐厅，但因为佢个位置嘅问题所以都好少去。咁啱去开等女朋友系山林道做美容，然后就系附近揾餐厅食午饭。行过见到成条街都有唔同嘅日本餐厅，于是见到一间有贴版嘅餐厅就入咗去。两个人点左两份lunch set，一份系杂菜炒薄牛肉定食，另外一份系煎鸡扒定食。落左单之后，厨师会即场系你面前开个铁板煮，等大概一阵就有得食。杂菜炒薄牛肉定食牛肉份量比较少，同埋啲牛肉真系失落冇乜味，十分清淡，可能系因为太多杂菜。反而个煎鸡扒定食就做得几惹味，厨师煎完个鸡扒会喺上面淋一啲汁，同埋会洒咗啲炸蒜粒系上面，令到鸡排味道升华。到准备出去埋单嘅时候，厨师突然叫停左我哋，提我地原来仲有两粒雪糕糯米糍做甜品。餐厅服务态度十分好，厨师及员工亦会很细心地向客人介绍餐牌。