Deep Sea Oyster & Steak

营业中

休息中

山林道好多餐厅就大家都知，原来楼上就有不少值得一试嘅餐厅，今次就拣咗一间有格调嘅西餐厅试吓（其实系俾佢嘅生蚝吸引咗🙈）。呢度嘅装修好有格调，用咗绿色拼啡色嘅色调，有种英伦风嘅感觉。首先我同朋友二人每人点左杯酒精饮品，我就点左健力士黑啤生啤，朋友就点左杯 signature cocktail。我地2人点左5样嘢，首先先试下老板推介嘅生蚝，叫左2只款试试，1只系爱尔兰schalle，1只系西非野生蚝。2款都好饱满大只，真系比较唔到边款好食啲🤣之后就系鹅肝多士，满满嘅油香，食完想再食。再黎系烧牛舌心串同烧大虎虾，牛舌心食落好爽口，虎虾够晒大份，虾头啲膏好正好好味。最后系牛小排，叫左5成熟，好香牛味，熟度都岩岩好。总结成餐饭都好满足，环境又坐得舒服，拍拖或者同朋友谈心都好适合。