JUST'er Bar & Restaurant

营业中

休息中

今日行开尖沙咀，发现原来山林道都几多嘢食，行完一次之后就拣咗呢间JUST’er，一黎佢系食西餐，二黎上网睇到好似几多人推介，就入去试下啦😆我地两个人叫左：垃圾八爪鱼 $48见个名几有趣就叫咗黎试下。一嚟到埋上有惊喜，好似花咁，八爪鱼仔咋得松脆可口，而肉质亦够弹牙，配上沙律酱都几好食😋水牛城鸡翼五只 $52鸡翼酱汁甜酸辣度都适中，略嫌鸡皮唔够脆。不过鸡翼大大只都几抵食😊英国国菜1997 $113其实就系炸鱼薯条，整体来讲炸鱼同薯条都揸得好脆，尤其系薯条，劲香口😋而炸鱼肉质唔会散晒，亦有阵阵嘅鱼香，证明几新鲜👍🏻酱油风白汁三文鱼扁意粉 $112呢个值得推介！食落去白汁甜甜地有惊喜，而且亦好creamy!三文鱼粒都好多，抵食👍🏻最后叫咗杯岩盐樱花奶昔，甜度适中，少少岩盐带出樱花嘅香味，好适合女仔饮😉整体来讲性价比偏高，食物质素高得来价钱又大众化，如果座位阔啲会更好，就可以坐耐啲慢慢享受美食。