每日

营业中

休息中

星期六终于放假了，原本谂住去食𠮶靓brunch展开美好既星期六，但系误打误撞发现山林道开左间新既素食店，模式有啲似无肉食𠮶啲自助型式，主打都系无蛋无奶既素食！新开既店梗系要支持下啦，我同朋友1230hrs到左，可惜要1345hrs先有得食，要等一个钟😵😵😵不过一场黎到又唔赶时间，唯有行下打发下时间再黎食啦！1340hrs行番入店，有位座啦，可惜就无哂𩠌啦，见侍应不停好有耐性话等多阵，啲𩠌煮紧架啦，同一时间见到全部食客望既方向就系中间放食物既位置，但就无野食，哩𠮶情景好好笑呀！！每当有一碟𩠌拎出黎，大家就冲出去拎野食，十𠮶人排一碟𩠌，排到等八𠮶都无哂啲野食了。哩度啲𩠌其实真系新鲜，热辣辣既，即整既，不过份量就大小了，应付唔到咁多食客喔！我最钟意系紫薯Ball Ball，系紫薯蓉加左粟米，青苹果整成既Ball ball，食落好有口感！仲有𠮶椰奶南瓜，好椰味呀，可惜净系得一盘，仲有𠮶凉拌青瓜都好爽口既，仲有𠮶提子面包都好好食，唔知系米自家制架呢？最得𠮶老板拎左盒cup cake 仔出黎同我地讲声唔好意思，因为啲野食等太耐了，老板真系好有诚意，希望您可以愈做愈好，保持哩份意诚🤩