The Frequency (已易手) 新餐厅

今日嚟到佐敦，去到山林道其实美食林立，左右隔离其实都好多嘢食，但系有一间特别吸引我嘅餐厅，就系呢间望落十分吸引，入边装修美轮美奂嘅餐厅。事不宜迟，先睇吓个前菜系啲乜嘢。牛颊肉芝士薯条：平时喺麦当劳食薯条，如果唔系贪佢平，基本上都唔会食，因为一来冇乜薯仔喺入边，而且口感好差。但系呢度嘅薯条除咗咬口十足，口感一流，仲要新鲜热腾腾，上边有芝士同埋牛肉， 100分。香煎带子青酱野菌香草意粉：晚餐里面，虽然全部都好吸引，但系见到隔离枱，觉得最吸引都系我拣呢个意粉。佢嘅橄榄油配合意粉，令到食落口唔会痴着个口，而且卖相一流，打卡影相当然唔少得。带子嘅配菜就中规中矩，同平时出边食到嘅差唔多。90分法式焦糖炖蛋：超级好食，同出边某一间T字头嘅甜品买嘅焦糖炖蛋比起上嚟一啲都唔逊色！十分之有惊喜， 100分沙律和饮品：卖相几特别，食落饮落都OK，唔使加钱算系咁啦。晚餐闲闲哋每人1~200蚊就预咗㗎啦，所以今日带大家嚟一间即使系纪念日子你食都唔失礼你嘅伴侣嘅一间性价比好高嘅餐厅。希望大家睇完之后去食下。