Stanley Cave (已結業)

呢间西餐厅系我同肥髀都喜欢，今日去到几爆场，等一阵先揾到高櫈面壁位，我再去落单！呢度嘅店员英文人为主，好在大部分食物都见得到！手指指都可以，自助式！可以八达通比钱方便！Antipasto($60)店员会将个盒填到满泻！黑醋汁刚好包裹住蝴蝶粉，味道酸酸地好香，好开胃，蝴蝶粉挺身，叉起都唔会烂！弹牙好味！垫底嘅沙律菜爽口无苦味！Mango Peach($52)桃味为主，芒果味唔强，沙冰好滑，味道清甜唔假！好味！Salmon benedict for 2($118)蛋挺身靓仔，蛋黄汁好浓蛋味，烟三文鱼淋身唔腥！酱汁好味！沙律菜火箭菜菜唔苦，加上牛油果滑身！加上橙肉酸甜！好味！Bacon & Egg Multigrain($55)白色纸包好，法包外脆内软，面包松软好香麦味，实卜卜唔系空气包！烟肉香口！蛋沙律滑身好味！加上生菜爽口!好味！店员爽手勤快，收银位小姐有甜美笑容！山洞开餐好正！