鍋點

营业中

休息中

早排去K11 MUSEA SHOPPING行到饿又唔知食咩好，见下面有个几靓既FOOD COURT，餐厅种类都几多。当日想食饭见到呢个有小小FUSION又吸引就试试佢。 餐厅主打饭同汤水，种类偏中式但加入左唔同既配料或者特别既调味去呈现。 当日见前面几位排紧队既都ORDER温泉蛋鲍鱼葱油培根脆脆拌饭，就跟机试下，另外见到有个大澳虾酱豚肉饭几吸引就试埋啦。 落单后同坊间FOOD COURT相似，比钱后有个提示牌比你，当可取餐时就会响。餐厅上菜速度好快，五分钟内就有得食，，平时睇戏赶住要食快饭一流。 每碗饭都会配上前菜小食，可以系食饭前开开胃 温泉蛋鲍鱼葱油培根脆脆拌饭，以一碗有四只鲍鱼，烟肉脆脆及葱花洒面，再配上温泉蛋，捞匀配料后食到蛋料既蛋香，烟肉既咸香及卜卜脆口感，再加小小葱化及甜豉油吊味，咸中带甜。呢个组合捞饭意外地好食，再加上鲍鱼仔食好鲜味 大澳虾酱豚肉饭，一上菜时劲香虾酱味，而已豚肉份量劲多，多到见唔到D饭，豚肉以虾酱腌制后煮熟，每一块都食到劲香虾酱味，配白饭一流。可惜略嫌调味有小小过咸，如果可以多小小饭捞或调味上轻手小小会更好。 总结黎讲餐厅食物有新鲜感，可以一试。