影片
更多
2021-09-08
306 浏览
深水埗太子一带嘅文青店愈开愈多📚，我同朋友呢日就去咗座落于界限街嘅「山系。本舍」食晏。小店新开㗎，我上个月经过佢都仲未开。门外睇都知餐厅好细间，但点知真系只得六个座位😳，所以我哋去到都等咗阵先有位。老板娘见天气咁热，拎咗把风扇比我哋吹住等，好好人。店舖面积虽小，不过装修就好有味道。吧枱位对正厨房，但并唔会熏到个身成浸味。再者，呢度亦摆放咗鱼缸同挂上粉笔画作点缀，营造山系主题🏞。佢系一间有卖饭同面嘅文青店，所以我哋可以喺度正正经经食餐晏🥢。午餐选择有十几款，价钱中等，介乎$68至$148不等，另收加一服务费。吾卵「系」叉烧饭($78)，你以为佢系黯然叉烧饭？非也非也，我认为应该叫佢做滑蛋猪腩饭先至啱。🐷猪腩肉有两大件，每件都长长的，经微微炙烧后将啲油香迫咗出嚟，即使系肥膏位，但都无油腻嘅感觉，而且肉质细嫩，唔嚡唔韧。🍳蛋系第二主角，炒蛋好滑好多汁，可媲美蛋包饭。🍚饭用上珍珠米，粒粒分明，软硬适中，但由于有好多𩠌，显得啲饭好少。红色一粒粒𠮶啲唔知系腌姜定腌萝卜，但爽爽的，好啱伴饭。肉燥溏心蛋拌手打乌冬($78)，🍜乌冬未食都已经有加分位，皆因佢热辣辣出晒烟咁送上。肉燥唔一定要配饭，原来配乌
深水埗太子一带嘅文青店愈开愈多📚，我同朋友呢日就去咗座落于界限街嘅「山系。本舍」食晏。小店新开㗎，我上个月经过佢都仲未开。
门外睇都知餐厅好细间，但点知真系只得六个座位😳，所以我哋去到都等咗阵先有位。老板娘见天气咁热，拎咗把风扇比我哋吹住等，好好人。
店舖面积虽小，不过装修就好有味道。吧枱位对正厨房，但并唔会熏到个身成浸味。再者，呢度亦摆放咗鱼缸同挂上粉笔画作点缀，营造山系主题🏞。
佢系一间有卖饭同面嘅文青店，所以我哋可以喺度正正经经食餐晏🥢。午餐选择有十几款，价钱中等，介乎$68至$148不等，另收加一服务费。
吾卵系叉烧饭
$78
9 浏览
0 赞好
0 留言
吾卵「系」叉烧饭($78)，你以为佢系黯然叉烧饭？非也非也，我认为应该叫佢做滑蛋猪腩饭先至啱。🐷猪腩肉有两大件，每件都长长的，经微微炙烧后将啲油香迫咗出嚟，即使系肥膏位，但都无油腻嘅感觉，而且肉质细嫩，唔嚡唔韧。🍳蛋系第二主角，炒蛋好滑好多汁，可媲美蛋包饭。🍚饭用上珍珠米，粒粒分明，软硬适中，但由于有好多𩠌，显得啲饭好少。红色一粒粒𠮶啲唔知系腌姜定腌萝卜，但爽爽的，好啱伴饭。
肉燥溏心蛋拌手打乌冬
$78
1 浏览
0 赞好
0 留言
肉燥溏心蛋拌手打乌冬($78)，🍜乌冬未食都已经有加分位，皆因佢热辣辣出晒烟咁送上。肉燥唔一定要配饭，原来配乌冬都好好食。面条采用日本手打稻庭乌冬，面质弹牙兼挂汁。肉燥好Juicy，咸甜味控制得宜，混合埋紫菜丝同藏红花一齐食，份外香口。🥚溏心蛋流心效果一流，但得半边唔够喉呢。饭面或沙律嘅午餐均奉送两款是日前菜，佢哋分别系枝豆同麻酱沙律菜🥗。
饮品方面，新张期内凡惠顾午餐即送一支价值$28嘅山系自家制特饮。呢日系樽仔奶茶，估唔到都几好饮🤤，口感细滑，而且亦唔会过甜。
总括嚟讲，依间山系小店相当唔错👍，年轻男厨师一人包办晒厨房所有工作，但并唔会手忙脚乱，准备充足，上菜速度快。我哋今日食嘅两款午餐都好好味道，又有自家特色，但份量多啲会更佳🙈。有机会我想嚟试吓佢嘅晚餐，值得令人期待，但首要条件系要预先打电话嚟订枱，哈哈。
张贴
