鴻御百年山西大同刀削麵 (已結業)

红磡开左间食山西菜嘅餐厅，最特别有山西菜嘅同时，竟然有埋泰菜！睇完餐牌好surprise，竟然有油泼辣子面食，因为喺香港好少可以食到呢d东北食物，如果钟意食蒜香、微辣、拌面、有咬口嘅面，真心推介呢个油泼辣子面，劲正！个刀削面好有口感，软硬适中。个精髓在于佢自己调制嘅油泼辣子，一上枱就已经闻到由热油淋落去辣椒、蒜蓉嘅散发香味，配埋刀削面，一食落口就已经停唔到。猪颈肉又够弹牙，一碗落肚已经好饱。难得呢度有得食泰菜，我梗系食炸虾饼啦！最钟意呢度嘅炸虾饼冇骚味，仲要好弹牙，小食一流！再嗌一杯泰式奶茶，佢比起出面𠮶d更加滑同埋更加香。呢度价钱相宜，认真抵食！